Янгиликлар
24
Saylaw uchastkalarınıń dizimi tastıyıqlandı
Saylaw uchastkalarınıń dizimi tastıyıqlandı
Saylaw kodeksine tiykar, saylaw uchastkaları saylawǵa keminde alpıs kún qalǵanda, ádette, saylawshılar sanı jigirmadan kem bolmaǵan hám úsh mıńnan kóp bolmaǵan halda dúziledi. Áskeriy bólimlerde, Ózbekstan Respublikasınıń shet ellerdegi diplomatiyalıq hám basqa da wákilxanaları janında, sonday-aq, alıs hám barıw qıyın bolǵan aymaqlardaǵı puqaralar turǵan orınlarda, qamaqta saqlaw hám erkinen ayırıw orınlarında saylaw uchastkaları áne usı múddette, ayırım jaǵdaylarda bolsa saylawǵa keminde jeti kún qalǵanda dúziledi.
Okruglik saylaw komissiyası saylaw uchastkalarınıń tártip sanın belgileydi hám tiyisli uchastka komissiyasınıń telefon nomerlerin, jaylasqan ornın hám dawıs beriw imaratın kórsetken halda saylawshılardı hár bir uchastkanıń shegaraları haqqında xabardar etiwdi shólkemlestiredi.
Búgin, 1-sanlı Qaraqalpaqstan okrug saylaw komissiyası tárepinen saylaw uchastkaları dizimi tastıyıqlandı.
Prezident saylawın ótkeriw ushın Qaraqalpaqstan Respublikası aymaǵında 656 saylaw uchastkaları dúzildi.
Saylaw kodeksine tiykar, uchastkalıq saylaw komissiyası okruglik saylaw komissiyası tárepinen saylawǵa keminde qırq kún qalǵanda bes—on toǵız aǵzadan, sonıń ishinde, baslıq, baslıqtıń orınbasarı hám xatkerden ibarat quramda dúziledi.