Янгиликлар
23
Elektron onlayn-aukcionlar tártip-qaǵıydalarınıń birden-bir tártibi engiziledi
2021-jıl 1-sentyabrden
Elektron onlayn-aukcionlar tártip-qaǵıydalarınıń birden-bir tártibi engiziledi
“E-auksion” elektron sawda platformasındaǵı elektron onlayn-aukcionlar tártip-qaǵıydalarınıń birden-bir tártibi engiziledi (https://lex.uz/docs/5525718).
Bunda:
- qatnasıwshılarǵa, sonıń ishinde shet el puqaralarına aukcionda qatnasıw ushın elektron sanlı imza gilti sertifikatı aralıqtan turıp, Mámleketlik aktivlerdi basqarıw agentliginiń “Elektron onlayn-aukcionlardı shólkemlestiriw orayı” mámleketlik unitar kárxanası tárepinen biypul usınıladı;
- obektlerdi aukcionǵa shıǵarıw ushın tólenetuǵın jıyım biykar etiledi;
- aukcion ótkeriw haqqındaǵı xabar ol ótkerilgen kúnnen 30 kún aldın járiyalanadı;
- xabar járiyalanǵan waqıttan baslap aukcion processi juwmaǵına shekem qatnasıwshılarǵa obektti satıp alıw boyınsha aukcion qádemine baylanbaǵan óz baha usınısın kirgiziw huqıqı beriledi;
- satılǵan ob'ekttiń bahası BEMnıń 5 mıń esesine shekem bolǵanda, tólemlerdi 10 jumıs kúni, 5 mıń esesine teń yamasa onnan artıq bolǵanda tólemlerdi 15 jumıs kúni dawamında tólew imkaniyatı jaratıladı, nızamshılıq hújjetlerinde belgilengen jaǵdaylar bunnan tısqarı;
- aukcion jeńimpazı tólemlerdi tólewden bas tartqan jaǵdayda, jeńimpaz hámde onıń tuwrıdan-tuwrı shólkemlestiriwshileri aukcionlardan shetletiledi (tólemlerdi tólemew jaǵdayı birinshi ret islengende bir jıl múddetke, ekinshi márte qaytalansa múddetsiz dáwirge).
- aukcionǵa shıǵarılǵan obektlerdi satıwǵa hám aldı-sattı shártnamasın rásmiylestiriwge tek ǵana aukcionda keminde eki qatnasıwshı qatnasqanda ruqsat beriledi.
Usı tártip elektron sawda platforması arqalı satılıwı yamasa ijaraǵa beriliwi belgilengen barlıq túrdegi aktivlerge qarata qollanıladı.