Янгиликлар
18
Nızamshılıqtaǵı_jańalıqlar
Kem támiyinlengen shańaraqlar perzentleriniń bilim alıw imkaniyatları keńeytiriledi
Húkimet qararı menen Kem támiyinlengen shańaraqlar perzentleriniń ulıwma bilimlendiriw mákemelerindegi kúni uzaytırılǵan toparlarda oqıwdı materiallıq tárepten qollap-quwatlaw ilajları haqqındaǵı reje tastıyıqlandı.
Rejege tiykar, “Sociallıq qorǵaw birden-bir reestri” málimleme sisteması arqalı kem támiyinlengen dep tabılǵan shańaraqlar perzentleriniń ulıwma bilimlendiriw mákemelerindegi kúni uzaytırılǵan toparlarda balalar támiynatı ushın ata-analar tólemi tiyislinshe tómendegi qorlar tárepinen qaplap beriledi:
- “Hayallar dápteri”ne kirgizilgen hayal-qızlardı qollap-quwatlaw qorı;
- “Jaslar dápteri”ne kirgizilgen jaslardı qollap-quwatlaw qorı;
- “Saqawat hám járdem” qorı.
Bunda, rayon (qala) xalıq bilimlendiriw bólimleri hár jılı:
1-avgustqa shekem mekteplerde tálim alıp atırǵan kem támiyinlengen shańaraq perzentlerin anıqlaydı;
5-avgustqa shekem ulıwma bilimlendiriw mektepleriniń kúni uzaytırılǵan toparlarında oqıw qálewinde bolǵan hámde tólem tólewden azat etilmegen kem támiyinlengen shańaraqlar perzentleri dizimin qáliplestiredi;
dizimlerdi 10-avgustqa shekem rayon (qala) máhálle hám shańaraqtı qollap-quwatlaw bólimi, Jaslar isleri agentligi bólimi, “Máhálle” qayırqomlıq jámiyetlik qorınıń bólimi menen kelisedi hám xalıq deputatları rayon (qala) keńesine tastıyıqlaw ushın kirgizedi.
Ulıwma bilimlendiriw mákemesi keńes qararı kelip túsken kúnnen 3 kún ishinde tiyisli oqıwshılardıń ata-anaları (yaki olardıń ornın basıwshı shaxslar) menen shártnama dúzedi.
Shártnamalar bir oqıw jılı ushın dúziledi.
Usıǵan kóre, tólem hár bir balaǵa oqıw jılı dawamında bir ay ushın BEMnıń 25 payızına shekem (61 250 sumǵa shekem) muǵdarda qaplap beriledi.