Янгиликлар

1-sentyabrden byudjet shólkemleri xızmetkerleriniń is haqı, pensiyalar, stipendiyalar hám napaqalardıń muǵdarı 1,1 esege asırıladı

---

1-sentyabrden byudjet shólkemleri xızmetkerleriniń is haqı, pensiyalar, stipendiyalar hám napaqalardıń muǵdarı 1,1 esege asırıladı

Prezident Pármanına muwapıq, 2021-jıldıń 1-sentyabrinen baslap Ózbekstan Respublikası aymaǵında:

- miynetke haqı tólewdiń eń kem muǵdarı — ayına 822 000 sum;
- bazalıq esaplaw muǵdarı — ayına 270 000 sum;
- pensiyanı esaplawdıń bazalıq muǵdarı — ayına 289 000 sum;
- jasqa baylanıslı eń kem pensiyalar — ayına 565 000 sum;
- balalıqtan mayıplıǵı bolǵan shaxslarǵa beriletuǵın napaqa — ayına 622 000 sum;
- zárúr is stajına iye bolmaǵan kekse jastaǵı hám miynetke jaramsız puqaralarǵa beriletuǵın napaqa — ayına 440 000 sum;
- is stajı tolıq bolmaǵan waqıttaǵı pensiyalardıń eń kem muǵdarı qosımsha tólemdi esapqa alǵan halda – ayına 440 000 sum;
- belgilengen jasqa baylanıslı eń kem pensiya muǵdarınan  623 000 sumǵa shekem  pensiya alıwshılardıń jasqa baylanıslı hám mayıplıq boyınsha pensiyalar muǵdarı – ayına 623 000 sum;
-1941–1945-jıllardaǵı urıs mayıpları hám qatnasıwshıları, sonday-aq fashistler  konclagerleriniń er jetpegen sabıq tutqınları hám Leningrad qalası basıp alınǵan dáwirde islegen shaxslardıń eń kem pensiya muǵdarı ústemelerin esapqa alǵan halda – ayına 2 750 000 sum etip;
- baǵıwshısın joyıtqanlıq pensiyası alıwshılardıń bir miynetke jaramsız shańaraq aǵzası ushın pensiyanıń eń kem muǵdarı - ayına
440 000 sum etip belgilendi hám keyingi hár bir miynetke jaramsız shańaraq aǵzası ushın ámeldegi tártipke muwapıq pensiya tólenedi;
- baǵıwshısın joyıtqanlıq napaqası alıwshılarınıń bir miynetke jaramsız shańaraq aǵzası ushın napaqa muǵdarı – ayına  440 000 sum hám keyingi hár bir miynetke jaramsız shańaraq aǵzası ushın 165 000 sumnan qosılıwı belgilendi.

---