Янгиликлар
11
“ǴÁREZSIZLIK HUQIQ DEMEKDUR” ATAMASINDA TAŃLAW
Tańlaw shártleri:
1. Tańlaw qatnasıwshıları “Eń jaqsı súwret”, “Eń jaqsı qosıq” hám “Eń jaqsı videorolik” nominaciyaları boyınsha óz materiaları menen qatnassa boladı.
2. Tańlawǵa materiallardı qabıllaw usı jıldıń 5-avgust sánesinen 20-avgustine shekem (sol kúni de) dawam etedi.
3. Tańlawda qatnasıwshılar ózleri tárepinen tayarlaǵan materialları menen ministrliktiń @mustaqillik_huquq_demakdirbot arqalı qatnasadı.
Sonday-aq, qatnasıwshılar ózleriniń tolıq F.A.Á. mobil telefon nomeri hám shaxsın tastıyıqlawshı xújjetin fotoǵa alıp botqa jiberiwi talap etiledi.
4. Qatnasıwshılar tek ǵana bir baǵdardaǵı (máselen qosıq yaki videorolik yamasa súwret) dóretiwshilik jumıs úlgisi menen bir mártebe tańlawǵa qatnasıwı múmkin. Bir shaxs tárepinen bir mazmundaǵı úlgidegi yaki túrli qıylı dóretiwshilik jumıs úlgileri eki hám onnan artıq mártebe jiberilgen jaǵdayda qatnasıwshı tańlawdan shetletiledi.
Qatnasıwshılar óziniń dóretiwshilik jumısın birden-bir fayl (arxiv – “.rar”, “.zip”) formasında belgilengen mánzilge usınıwı kerek. Belgilengen talaplarǵa juwap bermegen dóretiwshilik jumıs úlgisi tóreshiler tárepinen kórip shıǵılmaydı.
Tańlawdı ótkeriw basqıshlarına tómendegiler kiredi:
a) tańlaw qatnasıwshılarınan materiallardı qabıllaw hám toplaw.
Múddeti: 5-avgust sánesinen 20-avgustqa shekem (sol kúni de) dawam etedi;
b) tańlaw qatnasıwshıları tárepinen usınılǵan materiallardı tóreshiler tárepinen kórip shıǵıw xám bahalaw.
Múddeti: 21-avgusttan 25-avgustqa shekem dawam etedi;
v) tańlaw nátiyjeleri avgust ayınıń aqırǵı on kúnliginde járiyalanadı.
5. Tańlaw jeńimpazların anıqlaw maqsetinde maman huqıqtanıwshılar hámde tájiriybeli ámeliyatshı xızmetkerlerden ibarat keminde 5 aǵzadan ibarat tóreshiler quramı qáliplestereledi.
6. Usınılatuǵın materiallar “Ǵárezsizlik huqıq demekdur” ataması sheńberinde bolıwı lazım. Tańlaw materialları puqta hám anıq islep shıǵılǵan, dóretiwshilik jandasılǵan hámde ǵárezsizlik haqqında avtorlıq hukıqı talaplarına ámel etilgen halda bolıwı talap etiledi.
Tańlaw qatnasıwshıları tárepinen usınılǵan materiallar úshinshi táreplerdiń intellektual huqıqların buzǵan bolsa, usı jaǵday boyınsha tańlaw shólkemlestiriwshisi juwapker esaplanbaydı.
7. Tańlaw jeńimpazları Ǵárezsizlik bayramı qarsańında shaxsın tastıyıqlawshı hújjetler menen Ádillik ministrligine mirát etiledi hámde óz sawǵaların alıp ketiwleri múmkin boladı.