Янгиликлар
11
Saylaw 2021
Saylaw_2021
Saylaw_okrugleri_dúzildi
Okruglik_saylaw_komissiyasına_talabanlar_usınıldı
Usı jıldıń 24-oktyabr' kúni elimizde Ózbekstan Respublikası Prezidenti saylawı bolıp ótedi.
Saylaw kodeksine tiykar, Ózbekstan Respublikası Prezidenti saylawın ótkeriw boyınsha saylaw okrugleri Qaraqalpaqstan Respublikası, wálayatlar hám Tashkent qalası shegaraları sheńberinde Ózbekstan Respublikası Oraylıq saylaw komissiyası (bunnan bılay tekstte — Oraylıq saylaw komissiyası) tárepinen dúziledi.
Saylaw okrugleriniń dizimleri olardıń shegaraları, saylawshılar sanı hám okruglik saylaw komissiyalarınıń jaylasqan ornı kórsetilgen halda saylawdan keminde jetpis bes kún aldın tiyisli saylaw komissiyası tárepinen járiyalanıwı kerek.
Ózbekstan Respublikası Oraylıq saylaw komissiyasınıń 2021-jıl 9-avgust kúngi 1092-sanlı Qararı (https://saylov.uz/uz/docs/1092-ozbekiston-respublikasi-prezidenti-saylovini-otkazuvchi-saylov-okruglarini-tuzish-togrisida) menen 14 saylaw okrugleri dúzildi.
Saylaw kodeksine tiykar, okruglik saylaw komissiyası OSK tárepinen saylawǵa keminde jetpis kún qalǵanda komissiya baslıǵı, baslıq orınbasarı, xatkerinen hám komissiyanıń segiz-on segiz basqa aǵzalarınan ibarat quramda dúziledi.
Okruglik saylaw komissiyası aǵzalıǵına talabanlar Qaraqalpaqstan Respublikası Jokarǵı Keńesiniń, xalıq deputatları wálayatlar hám Tashkent qalalıq Keńesleriniń májilislerinde dodalanadı hámde OSK tarepinen tastıyıqlaw ushın usınıs etiledi.
2021-jıl 10-avgust kúni Qaraqalpaqstan Respublikası Joqarǵı Keńesiniń jigirma birinshi sessiyasında Ózbekstan Respublikası Prezidentin saylawdı ótkeriwshi 1-Qaraqalpaqstan okruglik saylaw komissiyası aǵzalıǵına talabanlardı usınıw tuwralı másele kórip shıǵıldı hám tiyisli qarar qabıl etildi (https://joqargikenes.uz/7259.html).