Янгиликлар
10
Nókis qalası ádillik bólimi tárepinen 2021-jıl 6 ay dawamında ámelge asırılǵan jumısları boyınsha málimleme
Nókis qalası ádillik bólimi tárepinen 2021-jıl 6 ay dawamında ámelge asırılǵan jumısları boyınsha málimleme
Nókis qalası ádillik bólimine fizikalıq hám yuridikalıq shaxslardan 287 arza hám shaǵımlar kelip tusip 158 qanaatlandırıldı, 111 arza hám shaǵımlarǵa huqıqıy túsinikler berildi. Ótkerilgen 206 jeke hám kóshpeli qabıllarda 124 murajat unamlı sheshimin taptı.
Sudlarǵa puqaralardıń mápin gózlep 590 mln. 883 mıń sўmlıq 122 dawa arzalar kirgizilip, 919 mln.815 mıń sўmlıq 77 dawa arza qanaatlandırıldı.
Ádillik bólimine kelip túsken múrájatlar analizlengende eń kóp múrájatlar miynet, úy-jay, sociallıq qorǵaw hámde jer ajıratıw máselelerine baylanıslı ekenligi anıqlandı.
Nızamlardıń durıs orınlanıwı boyınsha 6 úyreniwler ótkerilip, 27756 nızam buzıwshılıq jaǵdayları anıqlandı.
Úyreniwler nátiyjesinde 2021-jıl 6 ay dawamında mákeme hám shólkemlerge jámi 23 usınıs, 36 eskertiwler kirgizildi. Kirgizilgen usınıs tiykarında 7 mln. 200 mıń 500 sum óndirildi, 21 shaxs intizamiy, 1 shaxs hákimshilik juwapkershilikke tartıldı.
Ádillik bólimi tárepinen Nókis qalası hákimliginiń 4 qarar joybarları huqıqıy ekspertizadan ótkerilip mámleketlik esapqa alındı.
2021-jıldıń 6 ayı dawamında ádillik bólimi tárepinen «shaxs — shańaraq — máhálle — bilimlendiriw mákemesi — shólkem — jámiyet» principi boyınsha 469 úgit-násiyat jumısları (335 ǵalaba xabar qurallarında, 10 awızeki, 34 kórgizbeli huqıqıy úgit-násiyat) alıp barıldı. Jańadan qabıl etilgen 684 normativ-huqıqıy hújjetler qalamız mákeme hám shólkemlerine elektron formada jetkerilip berildi.
Atajanov Alisher Erpulatovich,
Nókis qalası ádillik bólimi
baslıǵı