Янгиликлар
02
2021-jıldıń 1-yarım jıllıǵı juwmaǵı boyınsha kollegiya májilisi ótkerildi
2021-jıldıń 1-yarım jıllıǵı juwmaǵı boyınsha kollegiya májilisi ótkerildi
Qaraqalpaqstan Respublikası Ádillik ministrliginde tarawda 2021-jıldıń 1-yarım jıllıǵında ámelge asırılǵan jumıslar, jol qoyılǵan qáte-kemshilikler hám aldaǵı waqıtta ámelge asırılıwı lazım bolǵan baslı wazıypalar boyınsha kollegiya májilisi ótkerildi.
2021-jıldıń 1-yarım jıllıǵı dawamında Ádillik ministrligi hám rayon (qala) ádillik bólimleri tárepinen bir qatar unamlı jumıslar ámelge asırıldı.
Atap aytqanda, ótken altı ay dawamında ministrlik hám ádillik bólimlerine 2700 ge jaqın múrájatlar kelip túsip, sudlarǵa 3 mlrd 295 mln sumlıq dawa arzalar kirgizilip, puqaralardıń huqıqları tiklendi.
Nızamlardıń durıs orınlanıwı hám huqıqtı qollaw ámeliyatı boyınsha 570 shólkemlerde úyreniw hám monitoringler ótkerilip, 80089 nızambuzıwshılıq jaǵdayları anıqlandı.
Sonday-aq, mákeme hám shólkemlerge jámi 360 usınıslar kirgizilip, bul usınıslarǵa tiykar, mámleketlik uyımlardıń 111 qararları biykar etildi, 177 shaxslarǵa qarata intizamiy jaza sharaları qollanıldı, kirgizilgen usınıslar tiykarında 2 mlrd 282 mln 172 mıń sum pul qarjıları qaytarıldı, 126 shaxs hákimshilik juwapkershilikke tartıldı, jınayıy is qozǵaw haqqında 2 usınıslar tiyisli uyımlarǵa kiritilgen, sonday-aq, tiyisli tártipte 1006 eskertiwler kiritilgen.
Huqıqıy xızmet kórsetiw tarawında xalqımızǵa 89 mıń 362 notarial xızmetler kórsetilip, 17 mlrd 254 mln sumǵa jaqın mámleketlik bajı óndirilgen.
Sonday-aq, kórsetilgen pullıq huqıqıy xızmetler ushın 6 mlrd 530 mln sum haq muǵdarı, gerb jıyımı ushın 1 mlrd 57 mln sum muǵdarındaǵı pul qarjıları óndirilgen.
Advokatura tarawında:
Búgingi kúnde Respublika aymaǵında jámi 144 advokatlıq dúzilmeleri, sonnan 2 advokatlar kollegiyası, 5 advokatlar firması hámde 137 advokatlıq byuroları iskerlik kórsetpekte.
Yuridikalıq xızmetlerdiń jumısların muwapıqlastırıw tarawında:
Búgingi kúnde Qaraqalpaqstan Respublikasındaǵı 277 mámleketlik uyımlar hám shólkemlerinde jámi 282 yuridikalıq xızmet shtat birligi bar. Jumıs islep atırǵan yuridikalıq yuridikalıq xızmet xızmetkerleri 263 ti quraydı.
2021-jıldıń ótken dáwiri dawamında 72 yuridikalıq xızmet xızmetkerleri lawazımına hújjet kelip túsip, sonnan 46 yuridikalıq xızmet xızmetkeri sáwbetten ótip lawazımına tayınlanıwına kelisim berildi. Qalǵan 26 xızmetker sáwbetten óte almaǵanlıǵı ushın lawazımǵa tayınlawǵa kelisim berilmedi.
Huqıqıy ekspertiza tarawında:
Ádillik ministrligi hám rayon (qala) ádillik bólimleri tárepinen Qaraqalpaqstan Respublikası Ministrler Keńesi hám jergilikli mámleketlik hákimiyatı uyımlarınıń 91 qarar joybarları huqıqıy ekspertizadan ótkerilip mámleketlik esapqa alınıwı támiyinlendi.
Belgilengen talaplarǵa ámel etpey usınılǵan 7 qarar joybarları huqıqıy ekspertizadan ótkerilmey qaytarıldı.
Huqıqtı qollaw ámeliyatı tarawı boyınsha 160 mákemede 550 den aslam normativ huqıqıy hújjetler analizlengende 650 den aslam nızambuzıwshılıq jaǵdayları anıqlanıp, anıqlanǵan nızambuzıwshılıqlardıń kelip shıǵıw shárt-sharayatları, olardı boldırmaw boyınsha analizlengen maǵlıwmat tayarlanıp, nızambuzıwshılıqlardı saplastırıw boyınsha 11 usınıs, 5 hákimshilik usınıs sudlarǵa kirgizilip, orınlanıwı támiyinlendi.
Bunnan basqa, ministrlik hám rayon (qala) ádillik bólimleri tárepinen nızamshılıqtı jetilistiriw boyınsha jámi 210 usınıs berildi.
Mámleketlik emes kommerciyalıq emes shólkemleri tarawında:
Respublikada 2021-jıldıń 1-iyul' halatına jámi 644 mámleketlik emes kommerciyalıq emes shólkemleri bar bolıp, sonnan 426 mámleketlik, 218 esap diziminen ótkerilgen. Sonday-aq, házirde 54 diniy shólkemler óz iskerligin kórsetpekte.
Huqıqıy úgit-násiyat hám aǵartıwshılıq tarawında:
Ministrlik hám rayon (qala) ádillik bólimleri tárepinen jámi 6084 huqıqıy úgit-násiyat jumısları alıp barılǵan bolsa, sonnan ǵalaba xabar quralları arqalı 4152, awızeki 1528, jazba hám kórgizbeli tárizde 395 úgit-násiyat jumısları alıp barıldı.
Nızam hújjetlerin mámleketlik uyımlar hám shólkemlerine jetkeriliwi boyınsha:
Ministrlikke 2021-jıl 1-yarım jıllıǵı dawamında jámi 681 normativ-huqıqıy hújjetler kelip tústi. Sonnan Ózbekstan Respublikası Nızamları sanı 42, Prezident hújjetleri 157 (Pármanlar 41, Qararlar 116), Ministrler Kabineti Qararları sanı 295 hámde 187 ministrlikler, mámleketlik komitetler hám vedomstvolardıń buyrıqları hám qararları óz waqtında tiyisli orınlawshılarǵa jiberiliwi támiyinlendi.
Kollegiya dawamında 2021-jıldıń 1-yarım jıllıǵında jol qoyılǵan qáte-kemshilikler sın kóz-qarastan kórip shıǵıldı hám aldaǵı waqıtta isleniwi lazım bolǵan tiykarǵı baǵdarlar belgilendi.