Янгиликлар
29
Nızamshılıqtaǵı jańalıqlar
Nızamshılıqtaǵı jańalıqlar
“Sudlar haqqında”ǵı Nızam (703-sanlı Nızam, 28.07.2021-j.) Prezident tárepinen imzalandı
Nızamǵa kóre, barlıq sudlarda isler ashıq kóriledi. Islerdi jabıq sud májilisinde kórip shıǵıwǵa tek ǵana nızamda belgilengen jaǵdaylarda jol qoyıladı.
Sud májilisi zalında bar bolǵan shaxslar, ǵalaba xabar quralları wákilleri sud májilisi zalında nızamda belgilengen tártipte fotosúwretke alıwı, video hám audio jazıwdı ámelge asırıwı múmkin.
Ózbekstanda sud islerin júrgiziw ózbek tilinde, qaraqalpaq tilinde yamasa arnawlı jerdegi kópshilik xalıq soylesetuǵın tilde alıp barıladı.
Ádil sudlawdı ámelge asırıwda hár bir adamǵa maman yuridikalıq járdem alıw huqıqı kepillenedi.
Hech kim sud qararına tiykarlanbaǵan halda qamaqqa alınıwı múmkin emes.
Sonıń menen birge, Oliy sud tómengi sudlardıń sudlaw jumısları ústinen qadaǵalaw alıp barıw huqıqına iye.
35 jastan kishi bolmaǵan, puqaralardıń jasaw yamasa jumıs ornındaǵı májisinde ashıq dawıs beriw jolı menen eki yarım jıl múddetke saylanǵan Ózbekstan puqarası xalıq másláhátshisi bolıwı múmkinligi belgilendi.
Sudya birinshi márte 5 jıllıq múddetke, náwbettegi 10 jıllıq múddetke hám lawazımdabolıwdıń múddetsiz dáwirine belgilengen tártipte saylanadı yamasa tayınlanadı.
Oliy sud sudyası lawazımında bolıwdıń eń joqarı jası 70 jastı, basqa sudlar sudyaları ushın – 65 jastı quraydı.
Wákillik múddetleri tawsılǵan sud'yalardıń ortasha aylıq is haqı olardı jańa wákillikler múddetine qayta saylaw yamasa qayta tayınlaw haqqındaǵı másele sheshilip atırılǵan dáwirde yamasa basqa jumıs berilgenge shekem, biraq kóbi menen úsh ayǵa shekem saqlap qalınadı.
▪️Sudyalarǵa olardıń wákillikleri múddeti tawsılgannan keyin olar sud'yalıq lawazımına saylanıwǵa yamasa tayınlanıwǵa shekem iyelep turǵan aldınǵı jumısı (lawazımı) beriledi, bunday jumıs (lawazım) bolmaǵanda aldınǵısına teń basqa jumıs (lawazım) beriledi.