Янгиликлар
27
Qońırat rayonı Ádillik bólimi tárepinen 2021 jıl 1 yarım jıllıǵı dawamında ámelge asırılǵan jumısları haqqında M A Ǵ L I W M A T
Qońırat rayonı Ádillik bólimi tárepinen 2021 jıl 1 yarım jıllıǵı dawamında ámelge asırılǵan jumısları haqqında M A Ǵ L I W M A T
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypası esaplanadı.
Bul baǵdarda 2021-jıl 6 ay dawamında Qonırat rayonı ádillik bólimi tárepinen bir qatar jumıslar ámelge asırıldı.
Atap aytqanda, Insan huqıqların qorǵaw tarawında:
Bólimge jámi 170 múrájat kelip túsip, solardan 163 shaǵım hám 7 arza kelip túsken, Qaraqalpaqstan Respublikası Ádillik ministrligi tárepinen 6 múrájáát kelip tústi. Solardan 154-múrájáát qanaatlandırılıp, 8-múrájáát boyınsha huqıqıy túsnikler berilgen, kórip shıǵıw ushın tiysligi boyınsha basqa mekeme hám kárxanalarǵa 7-múrájáát jiberildi, esabat dawirinde 1-múrájáát qaldıqta qaldı. 81 múrájáátlar jayına shıǵıp úyrenilgen. Qanaatlandırılǵan múrájáátlardan sudlarǵa 157 múrájáát boyınsha shaǵım arzalar kiritilip, jámi 395 154 000 sum óndiriwge qaratılǵan. Múrájáátlardı qanaatlandırıw payızı 90,6 % quraǵan.
Bólimge kelip túsken múrájatlar analizlengende eń kóp múrájatlar miynet nızamshılıǵı, úy-jay hámde jer ajıratıw máselelerine baylanıslı ekenligi anıqlandı.
Bólim tárepinen 11 mekeme hám kárxanalarda úyreniwler ótkerildi. Ótkerilgen úyreniwler nátiyjesinde 5354 nızambuzıwshılıq halatları anıqlandı.
Úyreniw dáwirinde mekeme xám kárxanalarǵa anıqlanǵan nızam buzıwshılıq boyınsha 9 usınıs kiritilip, solardan 3 mekeme hám kárxana basshına hákimshilik járiyma, 2 mekeme hám kárxana xızmetkerlerine intizamiy sharalar qollanıldı, 78 mekeme hám kárxanalarga eskertiwler berildi.
YUridikalıq xızmetlerdiń jumısların muwapıqlastırıw tarawında:
Búgingi kúnde mámleketlik organ hám shólkemlerdiń rayonlıq sistemalarında 11 yuridikalıq xızmet shtatı bar bolıp, sonnan 2 shtat birligi vakant (BTPQ hám SEBD).
YUriskonsultlar xammesi Ózbekstan Respublikası Yuristler mamanlıǵın asırıw orayında oqıp, belgilengen tártipte Qaraqalpaqstan Respublikası Ádillik ministrlginen attetaciyadan ótkerildi hám tiyisli mártebe dárejeleri berildi.
Huqıqıy ekspertiza tarawında:
Rayon ádillik bólimi tárepinen rayon hákimliginiń 5 qarar hám 1 rayon xalıq deputatları Keńesi qararı joybarları huqıqıy ekspertizadan ótkerilip ǵalaba xabar quralları arqalı járiyalandı.
Huqıqıy úgit-násiyat hám aǵartıwshılıq tarawında:
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin elede asırıw, puqaralardıń jámiyetlik-siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2019-jıldıń 9-yanvar' kúni Ózbekstan Respublikası Prezidentiniń 5618-sanlı Pármanı qabıl etildi.
Usı Párman menen “Jámiyette huqıqıy mádeniyattı joqarılatıw Koncepciya”sı tastıyıqlandı. Bul salada ádillik bólimi tárepinen 351 úgit-násiyat jumısları alıp barıldı.
Sonnan, televidenie arqalı 18 marte, radioda 12, gazetada 5, VEB-sayt arqalı 114 márte shıǵıwlar ámelge asırıldı. Aўızeki túrde-191, jazba hám kórgizbeli formada 11 úgit-násiyat ilájları ámelge asırıldı.
Bólimge elektron túrde kelip túsken 610 normativ huqıqıy hújjetleri kárxana mekeme shólkemlerge jetkerildi.
Puqaralardan kelip túsip atırǵan múrájatlar, xalqımızdıń kúndelikli turmısında ushırasatuǵın máseleler migraciya, materiallıq járdem, jer, úy-jay alıw, kommunal xojalıq, jeńillikler, aliment, jumısqa jaylastırıw, bilim alıw hám basqalar boyınsha úgit-násiyat jumısları mánzilli túrde alıp barıldı.
Usınday shárayatta puqaralardıń huqıqıy másláhátke bolǵan mútájligin támiyinlew maqsetinde internet tarmaklardagı feysbuk, instagram xamde telegramda Konırat rayonı adillik boliminin kanalları ashılgan bolıp bul kanallar arkalı pukaralarga aralıqtan turıp puqaralardıń múrájatlarına huqıqıy túsinik hám másláhátlar berip barılmaqta.
Qońırat rayonı ádillik bólimi
baslıǵı J.Mambedullaev