Bog'lanish

Telefon
(+998 55) 101-10-08

Elektron manzil
qoraqalpoq@adliya.uz

Habar yuborish
Ishonch telefoni 1008

Янгиликлар

15

Nızamshılıqtaǵı jańalıqlar


Nızamshılıqtaǵı jańalıqlar


Licenziyalaw tártibi “Licenziya” málimleme sisteması arqalı ámelge asırıladı

“Licenziyalaw, ruqsat beriw hám xabardar etiw tártip-qaǵıydaları haqqında”ǵı Nızam (701-sanlı Nızam, 14.07.2021-j.) Prezident tárepinen imzalandı

Nızam menen 49 licenziyalar, 120 ruqsat beriw hújjetleri hámde 33 xabarnamalardıń juwmaqlawshı dizimleri tastıyıqlandı.

Nızamǵa kóre, iskerlikti ámelge asırıw ómir hám den-sawlıqqa, qorshaǵan ortalıqqa zıyan, huqıqlar hám nızamlı máplerge, jámiyet qáwipsizligine zıyan jetkeriliwine sebep bolıwı múmkin bolsa, licenziyalaw hám ruqsat beriw tártip-qaǵıydaları engiziledi.

Licenziyalaw, ruqsat beriw hám xabardar etiw hám olar menen baylanıslı basqa tártipler hámme ushın ashıq bolǵan “Licenziya” málimleme sisteması (arnawlı elektron sistema) arqalı ámelge asırıladı.

Yuridikaliq shaxslar filialları hám wákilxanaları ushın óz aldına licenziyalar hámde ruqsat etiw ózgeshelegine iye hújjetler alıw talap etilmeydi.

Bunda aldın alınǵan licenziyalarda hám ruqsatnamalarda filiallar hám wákilxanalardıń mánzilleri kórsetiledi.


Licenziyalar, ruqsat beriw hújjeti hám xabarnamalar reestrleri iskerlik túri boyınsha bólek-bólek arnawlı elektron sistemada ashıq elektron formada júrgiziledi


Nızamǵa  kóre, licenziya iskerliginiń hár bir licenziyalanatuǵın túri ushın bólek beriledi.

Licenziyalar olardıń ámel etiw múddeti sheklenbegen halda beriledi, tómendegiler bunnan tısqarı:
● medicinalıq iskerlik;
● farmacevtika jumısı;
● náshebentlik quralları, psixotrop zatlar hám prekursorlardıń aylanısta bolıwı menen baylanıslı iskerlik;
● quramında tetragidrokannabinol náshebentlik quralınıń muǵdarı 0,2 procentke shekem bolǵan kannabisti sanaat maqsetlerinde jetistiriw, alıp kiriw, qayta islew, saqlaw, realizaciya qılıw, alıw hám tasıw ;
● kóshpeli radiotelefon (uyalı) baylanıstan hám teleradioesittiriwlerdi tarqatıwdan paydalanıw hám olardıń xızmetlerin kórsetiw;
● neftti, gazdı hám gaz kondensatın qazıp alıw, qayta islew hám realizatsiya qılıw;
● affinaj iskerligi.

Licenziya beriw, onıń ámel etiw múddetin uzaytırıw hám onı ózgertiw ushın mámleketlik baji óndiriledi.
Iskerliktiń tómendegi túrleri boyınsha licenziyanıń ámel etiwi ushın jıllıq mámleketlik bajılar belgilenedi:
- konсert-tamasha iskerligi;
- tutınıw hám texnikalıq etil spirti, alkogol islep shıǵarıw ;
- alkogol ónimleriniń kótere sawdası ;
- telekommunikaciyalar tarmaqların joybarlaw, qurıw, paydalanıw hám xızmetlerdi kórsetiw.