Янгиликлар
07
Qanlıkól rayonı ádillik bólimi tárepinen 2021-jıl I-yarım jıllıǵı dawamında islengen jumısları haqqında esabat
Qanlıkól rayonı ádillik bólimi tárepinen 2021-jıl I-yarım jıllıǵı dawamında islengen jumısları haqqında esabat
Ózbekstan Respublikası Prezidentiniń 2018 jıl 13 apreldegi Mámleketlik huqıqıy siyasattı ámelge asırıwda ádillik uyımları hámde mákemeleri jumısların túp tiykarınan jetilistiriw is-ilajları haqqındaǵı PP-5415-sanlı Pármanı menen rayon(qala) ádillik bólimleri shólkemlestirildi.
Ádillik bólimleriniń tiykarǵı wazıypaları: hákimlerge hámde mámleketlik uyımları hamde shólkemleriniń rayonlar(qalalar) bólimlerine nızamlar hám basqa normativ-huqıqıy hújjetlerdi qollaw máseleleri boyınsha másláhátler beriw,mámleketlik uyımları hamde shólkemleriniń rayon(qala) bólimleriniń nızamlar hám basqa normativ-huqıqıy hújjetler orınlanıwın shólkemlestiriw boyınsha iskerligine metodikalıq basshılıq qılıw hámde muwapıqlastırıw, qabıl etilip atırǵan nızamlar hámde baska normativ-huqıqıy hújjetlerdiń mazmun-mánisin hám áhmiyetin rayonlarbólimlerindegi orınlawshılarǵa jetkeriw, «respublika— oálayat — rayon — máhalle» principi boyınsha húkıqıy úgit nasiyat hámde xalıqtıń huqıqıy sawatsızlıǵına shek qoyıw boyınsha, sol qatarda huqıqtı qorǵaw hámde sud uyımları menen birgelikte is-ilajlardı ámelge asırıw, rayonlar (qalalar) hákimleri hámde xalıq deputatları Keńesleriniń qararların nızam hújjetlerine, mámleketimizde ámelge asırılıp atırǵan reformalardıń maqset hámde wazıypalarına muwapıqlıǵı kóz qarasınan huqıqıy ekspertizadan ótkeriw, huqıqtı qollaw ámeliyatın oyreniw hámde analizlew, onıń turaqlılıǵı hámde bir qıylılıǵın tamiyinlew boyınsha usınıslardı islep shıǵıw, insan huqıqların qorǵaw boyınsha is-ilajlardı ámelge asırıw, óz oákillikleri sheńberinde fizikalıq hám yuridikalıq shaxslardıń múrájatların qórip shıǵıw, mámleketlik uyımlar hámde shólkemleriniń qala(rayon) bólimlerinde huqıqıy islerdiń jaǵdayın monitoring etiw, sondayaq, olardıń yuridikalıq xızmetleri iskerligin muwapıqlastırıw, qadaǵalaw hám metodikalıq támiyinlew belgilengen.
Qanlıkól rayonı ádillik bólimi tárepinen 2020-jıl I yarım jıllıǵı dawamında tómendegi jumıslar ámelge asırıldı.
Bólim tárepinen fizikalıq hámde yuridikalıq shaxslardıń mashqalaların orınlarda sheshiw hámde nızam hújjetlerine tiykar huqıqıy túsinikler beriw maqsetinde kóshpeli qabıllawlar ótkeriw belgilengen bolıp, huqıktı qorǵaw uyımları hámde basqada tiyisli uyımlar hám shólkemler menen birgelikte rayon aymaǵında jaylasqan PPJ, APJ hám MPJlarda rayon aymaǵında 11 kóshpeli qabıllawlar ótkerildi.
Kóshpeli qabılawlarda puqaralardı qızıqtırǵan maseleler boyınsha huqıqıy túsinik jumısları alıp barıldı hámde nızam hújjetleri boyınsha huqıqıy úgit násiyat jumısları alıp barılıp, puqaralardıń múrájaatları qabıllandı hámde sheshildi.
Bólimge kóshpeli qabıllawlar hámde tikkeley fizikalıq shaxslardan 2021-jıl 1-iyun halatına túrli máseleler boyınsha 82 múrájatlar kelip túsip sonnan 49 múrájat qanaatlandırıwǵa erisildi, 25 múrájatqa huqıqıy tusinik berildi, 3 múrájaat tiyisliligi boyınsha mámleketlik uyımlarǵa sheshiw ushın jiberildi.
Monitoring, úyreniwler nátiyjelerine hámde puqaralardıń múrájatlarına tiykar xızmetkerlerge óz waqtında tólenbey kiyatırǵan is haqıların óndiriw boyınsha Puqaralıq isleri boyınsha Qońırat rayonlararalıq xamde Nókis rayonlararaloıq sudlarına 45 dawa arza kiritilip, 45 xızmetkerdiń jámi 140 million sum is haqıların óndiriw boyınsha sud buyrıǵı shıǵarıldı.
Sonday-aq, puqara múrájatına hámde mekeme, kárxana, shólkemlerde ótkerilgen monitoringler nátiyjesinde xızmetkerlerge óz waqtında tólenbey qalǵan 49 million sўmnan artıq puqaralardıń is haqılar bólim tárepinenen usınıs kiritilip, tiyisli mekeme, kárxana shólkemler tárepinen tólep beriliwi támiyinlendi.
Bólim tárepinen mámleketlik uyımlar hám shólkemlerde Nızam hújjetlerine boysınılıwı hámde huqıqtı qollaw ámeliyatı boyınsha 8 úyreniwler hámde 7 mekemede monitoring ótkerilip úyreniwlerde 8210 nızambuzıwshılıq halatları anıqlandı.
Usı úyreniwler nátiyjesinde sonday-aq Bólim tárepinen ótkerilgen úyreniwler, monitoringler, puqaralardıń múrájaatları júzesinen, tapsırma xatlar hám buyrıqlar orınlanıwın támiynlew júzesinen mámleketlik uyımlar hám shólkemlerge “Nızam hújjetleriniń buzılıwı, olardıń sebepleri hám oǵan alıp keliwshi shárt-sharayatlardı saplastırıw haqqında” 13 usınıslar, sonday-aq “Nızam hújjetleriniń buzılıwı múmkin emesligi haqqında” 116 eskertiwler, Nızambuzıwshılıqqa jol qoyǵan juwapker shaxslardıń hákimshilik juwapkershilik máselesin kórip shıǵıw ushın, 4 hákimshilik juwapkershilikke tartıw boyınsha usınıslar berilip, usınıslar nátiyjesine kóre 4 xızmetker hákimshilik juwapkershilikke tartıldı, 13 xızmetker intizamıy juwapkershilikke tartıldı.
YUridik xızmetlerdi muwapıqlastırıw jónelisinde rayon aymaǵındaǵı rayon hákimligi hámde 9 mámleketlik uyımlarda yuridik xızmetler shólkemlestirilgen bolıp, hámmesinde joqarı yuridik maǵlıwmatqa iye xızmetkerler islemekte.
Islep atırǵan yuridik xızmet xızmetkerleriniń 7 wi attestaciyadan ótkerilgen hámde 8i mamanlıǵın asırǵan.
Bólimniń rayonlar (qalalar) hákimleri hámde xalıq deputatları Keńesleriniń qararların nızam hújjetlerine, mámleketimizde ámelge asırılıp atırǵan reformalardıń maqset hámde wazıypalarına muwapıqlıǵı kóz qarasınanhuqıqıy ekspertizadan ótkeriw wazıypasına muwapıq rayon hakimniń 4 normativ tústegi qarar joybarı huqıqıy ekpertizadan ótkerilip juwmaq berildi.
Jámiyette huqıqıy sana sezim hámde huqıqıy mádeniyattı artırrıw hámde xalıqtıń huqıqıy sawatxanlıgın asırıw maqsetinde brifing materialları hámde jańadan qabıl etilip atırǵan nızam hújjetlerine tiykar máxálle, bilimlendiriw mekemeleri hámde miynet jámmatlerinde húkıqıy úgit nasiyat ilajları alıp barıldı hámde dawam etpekte. Sonday-aq, bólim tárepinen televedenie, radio, veb-sayt, gazetalarda shıǵıwlar qılındı.
Rayondaǵı 43 mekeme hámde shólkemlerge 643 jańadan qabıl etilip atırǵan nızamshılıq hújjetleri elektron birge islesiw arqalı jetkerip berildi.
Rayondaǵı bir qatar mekeme hámde shólkemlerde xızmetkerler ushın nızamshılıq hújjetleri boyınsha másláhat kursları ótkerildi.
Puqaralardıń huqıqıy sana sezimi hámde huqıqıy mádeniyat dárejesin anıqlaw boyınsha 150 den artıq sorawnamalar ótkerildi.
Bólim tárepinen nızam hújjetlerin jánede jetilistiriw boyınsha usınıslar berip kelinbekte.
Bólim baslıǵı T.Asanov