Янгиликлар
07
Mámleketlik uyımlar hám shólkemler xızmetkerleri onlayn ashıq tańlaw tiykarında jumısqa qabıl etiledi
Nızamshılıqtaǵı jańalıqlar
Mámleketlik uyımlar hám shólkemler xızmetkerleri onlayn ashıq tańlaw tiykarında jumısqa qabıl etiledi
“Korrupciyaǵa qarsı gúresiw jumısların nátiyjeli shólkemlestiriwge baylanıslı qosımsha ilajlar haqqında”ǵı Prezident qararı qabıl etildi.
Qararǵa muwapıq, 2021-jıl 1-sentyabrden mámleketlik uyımlar hám shólkemler xızmetkerleri onlayn ashıq tańlaw tiykarında jumısqa qabıl etiledi.
2021-jıl 1-oktyabrge shekem korrupciya, mápler toqnasıwı tiykarında dúzilgen shártnamalardı haqıyqıy emes dep tabıw, mámleketlik xızmetshiler tárepinen isbilermenlikte qatnasıwınıń huqıqıy aqıbetlerin belgilewshi nızam joybarı islep shıǵıladı.
2021-jıl 1-oktyabrden barlıq mámleketlik uyımlar hám shólkemler, wálayat hákimliklerinde korrupciyaǵa qarsı ishki qadaǵalaw dúzilmeleriniń iskerligi jolǵa qoyıladı.
2021-jıl 1-avgysttan mámleketlik satıp alıwlar tarawındaǵı tenderler nátiyjeleri ashıq járiyalanadı.
Mámleketlik satıp alıwlarda birge islesiwshiler (kontragentler)di tekseriw tártibi islep shıǵıladı.
Korrupciyaǵa qarsı gúresiw agentligi tárepinen 2021-jıl 1-dekabrden hár jıl juwmaǵı boyınsha korrupciyaǵa qarsı gúresiw jumıslarınıń nátiyjeliligin bahalawshı reyting járiyalanıp barıladı.
2021-jıl 1-dekabrge shekem dáramat hám mal-múlk deklaraciyaları boyınsha maǵlıwmatlar bazası qáliplestiriledi.
2021-jıl 1-oktyabrge shekem mámleketlik qarjıları esabına qurılıs-pudrat shártnaması ushın ótkeriletuǵın tańlawlar “Shaffof qurilish” sisteması maǵlıwmat almasılıwın támiyinlegen halda mámleketlik satıp alıwlar boyınsha arnawlı málimleme portalında elektron túrde ámelge asırıladı.
2022-jıl 1-yanvarǵa shekem avtomobil' jolları tarawına tiyisli maǵlıwmatlardı óz ishine alatuǵın “SHAFFOF YO'L” onlayn málimleme platforması iske túsiriledi.
2022-jıl 1-yanvardan baslap “hadallıq vakcinası” principi tiykarında mámleketlik xızmetkerler turaqlı túrde korrupciyaǵa qarsı gúresiw boyınsha oqıtıladı.