Янгиликлар
07
Mámleketlik xızmetkerlerdiń dáramatları hám mal-múlkleri deklaraciya etiledi
Nızamshılıqtaǵı jańalıqlar
Mámleketlik xızmetkerlerdiń dáramatları hám mal-múlkleri deklaraciya etiledi
Pármanǵa kóre, 2022-jıl 1-yanvardan mámleketlik xızmetkerlerdiń, mámleketlik úlesi 50 procentten joqarı shólkemler, mámleketlik kárxanalar hám mákemeleriniń basshıları hám orınbasarları, olardıń ómirlik joldası hám er jetpegen perzentleriniń dáramatları hám mal-múlkin májbúriy deklaraciyalaw sisteması engiziledi.
Deklaraciyanı beriwden bas tartıw hám nadurıs maǵlıwmatlardı kirgiziw onı mámleketlik xızmetinen shetletiwge hám juwapkershilikke sebep boladı.
2022-jıl 1-yanvardan mámleketlik xızmetkerlerine sırt elde bank esap-betlerin ashıw, naq pul qarjıların saqlaw hám basqa mal-múlkke iye bolıw qadaǵan etiledi.
Ámeldar shaxstıń óz jeke mápi májbúriyatların ob'ektiv hám qalıs orınlawǵa tásir kórsetiwshi yamasa tásir kórsetiwi múmkin bolǵan jaǵdaylar mápler toqnasıwı esaplanadı.
mápler toqnasıwın áshkár etiw hám aldın alıw boyınsha shara kórmew juwapkershilikti keltirip shıǵaradı.
Tómendegilerdi názerde tutıwshı nızam joybarları islep shıǵarıladı:
● Jınayat kodeksinde korrupciyaǵa baylanıslı jınayatlar taypasına kiriwshi stat'yalardıń anıq dizimin belgilew;
● korrupciyalıq jınayatlarǵa jazanı uzaq múddetli erkinlikten ayırıw jaza sharasına shekem keskin kúsheyttiriw;
● dáramatlar hám mal-múlkti deklaraciyalawda anıqlanǵan nızamsız baylıq arttırǵanlıǵı ushın juwapkershilik ornatıw;
● korrupciyalıq jınayatlardı islegenlerge jeńillestiriwshi normalar qollanıwına sheklewler belgilew;
● “Mápler toqnasıwın tártipke salıw haqqında”ǵı;
● “Mámleketlik xızmetkerlerdiń dáramatları hám mal-múlkin deklaraciyalaw haqqında”ǵı.