Янгиликлар
02
XOJELI RAYONI ÁDILLIK BÓLIMI TÁREPINEN 2021–JIL I-ShEREGI DAWAMINDA ÁMELGE ASIRILǴAN JUMISLARI BOYINShA ESABATI
XOJELI RAYONI ÁDILLIK BÓLIMI TÁREPINEN 2021–JIL I-ShEREGI DAWAMINDA ÁMELGE ASIRILǴAN JUMISLARI BOYINShA ESABATI
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypalarınan biri bolıp esaplanadı.
Bul baǵdarda 2021-jıldıń 1-shereginde bólim tárepinen bir qatar jumıslar ámelge asırıldı. Bólimge esabat dawamında 120 xat hám hújjetler kelib tústi. Buyrıq tiykarında mámleketlik organları hám shólkemlerinde jámi 4 úyreniw alıp barılıp, jámi 701 nızam buzılıw jaǵdayları anıqlandı. Úyreniwler dawamında tiyisli mámleketlik organları hám shólkemlerine 17 usınıs, 64 eskertiw, 4 hákimshilik usınıslar kiritildi. Sonday-aq usınıslar tiykarında 23 mln. aslam xızmetkerlerdiń is-haqıları óndirilip berildi.
Atap aytqanda, Insan huqıqların qorǵaw tarawında:
Bólimge jámi 53 múrájatlar kelip túsip, 38 múrájaat óz sheshimin tawıp, 1 múrájat tiyisliligi boyınsha jiberildi. Sudlarǵa 78 mln. sumlıq dawa arzalar kirgizilip, puqaralardıń huqıqları tiklendi.
Bólimge kelip túsken múrájatlar analizlengende eń kóp múrájatlar miynet hám sociallıq qorǵaw máselelerine baylanıslı ekenligi anıqlandı.
Ádillik bólimi tárepinen usı jıldıń fevral', mart aylarında rayondaǵı shólkemlerde xızmetkerlerdiń miynet huqıqlarına ámel etiliwi boyınsha 100ge jaqın sorawnama ótkerildi. Sorawnamalardı ótkeriw dawamında islewshi xızmetkerlerden múrájatlar qabıl etildi.
Sonıń menen bir qatarda, bólim tárepinen shólkemlestirilgen qabıllawlarda 10 múrájatlar tiyisli tártipte kórip shıǵılıp, unamlı sheshimlerin taptı.
YUridikalıq xızmetlerdiń jumısların muwapıqlastırıw tarawında:
Búgingi kúnde rayon aymaǵındaǵı mámleketlik uyım hám shólkemlerde 10 yuriskonsul't bar bolıp, 2021–jılda 2 talaban sáwbetten ótkerilip lawazımǵa tayınlanǵan. Sonday-aq, olardıń tájiriybesin arttırıw maqsetinde 1 yuriskonsul't Ózbekstan Respublikası Ádillik ministrligi janındaǵı YUristler mamanlıǵın asırıw orayında aralıqtan oqıwda oqıp mamanlıǵın asırdı.
Huqıqıy ekspertiza tarawında:
Bólim tárepinen rayondaǵı jergilikli mámleketlik hákimiyatı uyımlarınıń 2 qarar joybarları huqıqıy ekspertizadan ótkerilip, mámleketlik esapqa alınıwı támiyinlengen.
Huqıqıy úgit-násiyat hám aǵartıwshılıq tarawında:
Puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin elede asırıw, puqaralardıń jámiyetlik–siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2019–jıldıń 9–yanvar' kúni Ózbekstan Respublikası Prezidentiniń 5618–sanlı Pármanı qabıl etildi.
Usı Párman menen “Jámiyette huqıqıy mádeniyattı joqarılatıw Koncepciya”sı tastıyıqlandı. Bul salada bólim tárepinen 328 úgit–násiyat jumısları alıp barıldı.
Huqıqıy úgit–násiyat ilajları puqaralardan kelip túsip atırǵan múrájatların tereń tallaw arqalı xalqımızdıń kúndelikli turmısında ushırasatuǵın máseleler, yaǵnıy materiallıq járdem, jer, úy–jay alıw, kommunal xojalıq, jeńillikler, aliment, miynet nızamshılıǵı, jumısqa jaylastırıw, bilim alıw hám basqalar boyınsha úgit-násiyat jumısları mánzilli túrde alıp barıldı.
Atap aytqanda, “Biypul huqıqıy másláhát penen hár bir úyge” uranı astında jańa huqıqıy másláhát beriw sistemasın shólkemlestiriw arqalı xalıqtın huqıqıy sawatsızlıǵın joq etiw maqsetinde bólim xızmetkerleri tárepinen 2021 jıl basınan jámi 12 mákan hám awıl puqaralar jıyınlarında úyme–úy júrip 72 puqaraǵa huqıqıy másláhátler berildi. Úyme–úy júriw dawamında jámi 10 múrájat qabıl etilip, sonnan barlıq múrájat bólim tárepinen sheshildi.
Sonday-aq, Qaraqalpaqstan Respublikası Ádillik ministrligi, Jınayat isleri boyınsha sudı, Puqaralıq isleri boyınsha sudı, Hákimshilik sudı, Ekonomikalıq sudı hám “Madad” mámleketlik emes, kommerciyalıq emes shólkemi ortasında “Qaraqalpaqstan Respublikasında jınayatlardı boldırmaw, jınayatshılıq profilaktikasın elede jetilistiriw, ádil sudlawdı támiyinlew hám korrupciyasız aymaqqa aylandırıw boyınsha Birge islesiw Memorandumı” imzalanıp, búgingi kúnde bólim tárepinen rayon sudı imaratındaǵı “Xalıqqa biypul huqıqıy járdem” xanalarında fizikalıq hám yuridikalıq shaxslarǵa huqıqıy járdemler kórsetilip kelinbekte.
Búgingi pandemiya shárayatı hámmemizge sınawlı dáwir bolmaqta. Jańa tártipler, nızam–qaǵıydalar ózgeshe turmıs tárizin payda etti.
Usınday shárayatta xalıqtıń huqıqıy másláhátke bolǵan mútájligin támiyinlew maqsetinde, @Xujayli_adliya_bulimi telegram kanalı ashılıp, ol arqalı aralıqtan turıp puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslar turaqlı ráwishte alıp barılmaqta.
F.Naranova,
Xojeli rayonı ádillik bólimi baslıǵı