Янгиликлар
18
«FERMERGE JÁRDEM» HUQIQIY AKCIYASI
Ádillik ministrligi baslaması menen «Fermerge járdem» huqıqıy akciyası ótkerilmekte. Bul akciya usı jıldıń iyun ayınan baslap dekabr ayınıń aqırına shekem dawam etedi.
Akciya sheńberinde fermerlerdiń barlıq múrájatları kórip shıǵıladı, bar bolǵan mashqalalar ornında úyreniledi, fermerlerdi qızıqtırǵan máseleler boyınsha huqıqıy túsinikler beriledi. Akciya sheńberinde olardıń buzılǵan huqıqları tiklenedi. Orınlardaǵı fermerler iskerligi menen baylanıslı jaǵdaylar úyrenilip, ámeldegi nızamshılıqtı jetilistiriw maqsetinde pikrileri tıńlanıp hám usınıslar islep shıǵıladı. Qısqasha aytqanda, akciya klaster hám mámleket, klaster hám fermer ortasındaǵı munásibetler boyınsha anıq hám birden-bir jantasıwdı islep shıǵıwǵa xızmet etedi.
Ádillik ministrliginde «Fermerge járdem» huqıqıy akciyasın ótkeriwden tiykarǵı maqset, sońǵı waqıtlarda fermerler ádillik oyımlarına murájat etip, ayırım lawazımlı shaxslar tárepinen huqıqları buzılıp atırǵanlıǵı (shártnamalar dúziwde májbúrlew, ruqsatsız banktegi pul qarjıların óz basımshalıq penen alıp qoyıw, qáwenderlik jumıslarına májbúriy tártipte tartıw, jıynalıslar hámde taǵı basqa ǵalabalıq ilajlarda fermerdiń abıroyın kemsitiw), bankler tárepinen subsidiya, kredit ajıratılmay atırǵanlıǵı, sonıń menen birge, jetilistirgen ónimlerdi satıw boyınsha dúzilgen shártnamalar tiykarında pul qarjıları tolıq berilmey atırǵanlıǵı yamasa waqıtında qaplanbay atırǵanlıǵı haqqında bildirgen narazılıqları menen baylanıslı.
Awıl xojalıǵı salasındaǵı huqıqıy munásibetlerde fermer xojalıqlarınıń huqıq hám máplerine ámel etiliwi jaǵdayın úyreniw, huqıqtı qollaw ámeliyatın analizlew arqalı tarawdı túp-tiykarınan reformalaw boyınsha usınıslar tayarlaw, «Fermerler awıl xojalıǵı rawajlandiriwdiń drayveri» retinde olardıń ekonomika hám jámiyettegi ornın asırıw maqsetinde usı jıldıń iyun'-dekabr aylarında «Fermerge járdem» huqıqıy akciyasın ótkeriw boyınsha ádillik ministriniń buyrıǵı qabıllandı.
«Fermerge járdem» huqıqıy akciyasın ámelge asırıw boyınsha ilajlar Rejesi tastıyıqlandı.
Akciya sheńberinde úgit-násiyat ilajları ǵalaba xabar quralları, sociallıq tarmaqlar, orınlarda mánzilli hám predmetli ushırasıwlar, onlayn hám oflayn baylanıs platformalari arqalı ámelge asırılıwı, túsindiriw ilajlarında ádillik uyımları hám «Madad» mámleketlik emes kommerciyalıq emes shólkemi xızmetkerleri, «Jas huqıqtanıwshılar» solontyorlar toparları aǵzaları hámde tiyisli tarawdıń wákilleri qatnasıwı kórsetip ótilgen.
Sonıń menen bir qatarda, fermerlerdiń múrájaatları menen islesiwde múrájaatlar dástúriy formada, 1008 — «isenim telefonı», @fermermadadbot arnawlı telegram bot arqalı qabıl etiledi.
Fermer xojalıǵınıń 6 baǵdarında, atap aytqanda shólkemlestiriw-huqıqıy, islep shıǵarıw hám xojalıq, shártnamalıq-huqıqıy hám miynet munásibetleri, jer tarawı, hákimshilik-basqarıw, bank, finans hám salıq baǵdarlarındaǵı nızamshılıq xatlawdan ótkeriledi, shet el tájriybesi hám milliy ámeliyat úyrenilip, tarawdı reformalaw boyınsha usınıslar tayarlanadı.
Qońırat rayonı ádillik bólimi
baslıǵı
J.A.Mambedullaev