Янгиликлар
17
Nızamshılıqtaǵı jańalıqlar
Nızamshılıqtaǵı jańalıqlar
2021-jıl 1-dekabrden Nızamshılıq palatası hám Senat májilisleri, Qaraqalpaqstan Respublikası Joqarǵı Keńesi, xalıq deputatları wálayat, rayon, qala Keńesi sessiyaları tuwrdın-tuwrı efirge beriledi
«Mámleketlik uyımlar hám shólkemleriniń jumıslarınıń ashıqlıǵın támiynlew, sonday-aq, jámiyetshilik qadaǵalawın nátiyjeli ámelge asırıwǵa baylanıslı qosımsha ilajlar haqqında»ǵı Prezident Pármanına tiykar , 2021-jıl 1-sentyabrge shekem:
➖ Ashıq maǵlıwmatlar portalı mámleketlik satıp alıwlar boyınsha arnawlı málimleme portalı menen integraciya etiledi;
➖ respublikadaǵı hár qanday biná hám soorujenielerdiń múlkdarı yamasa iyesi haqqındaǵı maǵlıwmatlar, usı biná hám soorujenielerdiń mánzilin kirgiziw arqalı biliw elektron interaktiv xızmeti iske túsiriledi;
➖ “avtomobil' tariyxı” haqqındaǵı maǵlıwmatlar, avtomototransportlar beriletuǵın dizimnen ótkeriw milliy mámleketlik nomeri belgileri, avtotransportlar dizimnen ótkenlik guwalıqlarınıń seriya hámde nomerin kirgiziw hám haqı tólew arqalı anıqlaw elektron interaktiv xızmeti iske túsiriledi.
2021-jıl 1-avgustqa shekem Ekologiya hám qorshaǵan ortalıqtı qorǵaw mámleketlik komiteti rásmiy veb-saytında hám Portalda Ań awlaw hám ańshılıq xojalıqları haqqındaǵı málimleme bazası iske túsiriledi.
Korrupciyaǵa qarsı gúresiw agentligi juwapkershiligine qosımsha wazıypalar júkletildi. Agentlik, atap aytkanda:
● mámleketlik uyımlar hám shólkemleriniń maǵlıwmatlardı Internetke jaylastırıw májbúriyatları esabın júrgizedi;
● múrájatlardan kelip shıǵıwshı mámleketlik uyımlar hám shólkemleriniń ashıq-aydınlıǵına baylanıslı aktual máselelerdi “Mening fikrim” veb-portalı arqalı ulıwma xalıqlıq dodalawǵa shıǵaradı.
Pármanǵa tyikar, “Mámleketlik sırlardı saqlaw haqqında”ǵı Nızam joybarı islep shıǵıladı.
2021-jıl 1-dekabrden:
➖ jıl juwmaqları boyınsha mámleketlik uyım hám shólkemleriniń Ashıqlıq indeksi anıqlanadı;
➖tómendegi ilajlar telekanallar, sonday-aq, Internet arqalı tuwrıdan-tuwrı efirge beriledi:
- Nızamshılıq palatası hám Senat májilisleri, Qaraqalpaqstan Respublikası Joqarǵı Keńesi, xalıq deputatları wálayat, rayon, qala Keńesi sessiyaları;
- táreplerdiń razılıǵı menen ayırım huqıqbuzarlıqlarǵa hám shańaraqlıq kelispewshiliklerge baylanıslı puqaralıq isleri.