Янгиликлар
11
Nızamshılıqtaǵı_jańalıqlar
Tashkent mámleketlik yuridikalıq universitetinde Kredit toplaw hám kóshiriwdiń Evropa modeli engiziledi
Húkimet qararı (359-san, 10.06.2021-jıl.) menen Tashkent mámleketlik yuridikalıq universitetinde kredit-modul sistemasında oqıw procesin shólkemlestiriw tártibi haqqındaǵı reje tastıyıqlandi.
Rejege muwapıq, Tashkent mámleketlik yuridikalıq universiteti (TMYU) de Kredit toplaw hám kóshiriwdiń Evropa modeli engiziledi.
Oqıw jılı ushın tálim programması bir yamasa bir neshe modullardan ibarat bolıp, TMYU keńesi tárepinen tastıyıqlanadi.
Oqıw jılı dawam etiw waqti da Keńes tárepinen belgilenedi.
Kredit-modul sistemasında 1 kredit ortasha 25-30 saatlıq oqıw júklemesine teń. Oqıw júklemesi bakalavriatda - 40 -50% auditoriya saatı, 50-60% ózbetinshe jumıs saatına, magistraturada - 30 -40% auditoriya saatı, 60 -70% ózbetinshe jumıs saatına bólinedi.
Kredit saatları muǵdarı hám oqıw júklemesi TMYU saytına jaylastırıladı.
Student bir semestrde 30 kredit, oqıw jılında bolsa 60 kredit toplawı kerek.
Bir pánge ajıratılǵan auditoriya saatınıń 25 payızın hám odan artıq saatın sebepsiz qaldırǵan student bul pánnen shetlestirilip, juwmaqlawshı qadaǵalawǵa kirgizilmeydi hámde usı pán boyınsha kreditti ózlestirmegen esaplanadı.
Juwmaqlawshı qadaǵalawǵa kirgizilmegen yamasa kirmegen, qaniqarsiz baha alǵan student akademikalıq qarızdar esaplanadı.
Akademikalıq qarızdar studentler demalıs waqtında yamasa keyingi semestrler dawamında ózlestirilmegen kreditler muǵdarına mas tólew-kontrakt muǵdarınan kelip shıqqan halda tólegenliginen keyin ózlestirilmegen pánlerdi óz esabınan qayta oqıwı múmkin.