Янгиликлар
04
Nızamshılıqtaǵı jańalıqlar
Nızamshılıqtaǵı jańalıqlar
JOO studentlerine akademiyalıq dem alıs beriw tártibi belgilendi
Húkimet qararı (344-san, 03.06.2021-j.) menen Joqarı oqıw orınları studentlerine akademiyalıq dem alıs beriw haqqındaǵı reje tastıyıqlandı
Rejege tiykar, JOO studentlerine akademiyalıq dem alıs tómendegi jaǵdaylarda beriliwi múmkin:
-áskeriy xızmetti ótew ushın;
-salamatlıǵın tiklew ushın;
-hámiledarlıq hám tuwıw ushın;
-balalardı qaraw ushın;
-shańaraǵınıń nawqas aǵzasın (ákesi, anası yamasa olardıń ornın basıwshı shaxslar, ómirlik joldası, perzenti) qaraw ushın.
Studenttiń akademiyalıq dem alıs haqqındaǵı múrájatı bir háptelik múddette kórip shıǵıladı hámde JOO rektorı (direktorı)nıń buyrıǵı menen rásmiylestiriledi.
Akademiyalıq dem alıs beriletuǵın studentler arzasına (ıqtıyarına) kóre JOO rektorı (direktorı)nıń buyrıǵına muwapıq, onıń oqıwı akademiyalıq dem alıs múddetine dem alıstıń sırtqı hám aralıq yamasa eksternat bilimlendiriw formasına ótkeriliwi múmkin.
Studentke akademiyalıq dem alıs beriliwi onı joqarı oqıw ornınan shetlestiriw dep esaplanbaydı.
Studentlerge akademiyalıq dem alıs dáwirinde stipendiyalar tólenbeydi.
Akademiyalıq dem alıstan belgilengen múddette qaytqan studentlerge aldın ózlestirilgen pánlerdi qayta ózlestiriw májbúriyatı júkletilmeydi.