Янгиликлар
01
Nızamshılıqtaǵı jańalıqlar
Nızamshılıqtaǵı jańalıqlar
Saylaw komissiyalarınıń qararları ústinen berilgen shaǵımlar tek ǵana sudlar tárepinen kórip shıǵıladı
“Ózbekstan Respublikasınıń Saylaw kodeksine ózgeris hám qosımshalar kirgiziw haqqında”ǵı Nızam (691-sanlı Nızam, 31.05.2021-j.) Prezident tárepinen imzalandı.
Kirgizilgen ózgerislerge muwapıq, saylaw komissiyalarınıń háreketleri hám qararları ústinen berilgen shaǵımlar tek ǵana sudlar tárepinen kórip shıǵıladı.
Prezident saylawın ótkeriw boyınsha okrug saylaw komissiyası 8–18 aǵzadan ibarat quramda dúziledi.
Aldın 6-8 edi.
Endigiden bılay saylaw byulletenine talabannıń iyelep turǵan lawazımı (jumıs túri), jumıs ornı kirgizilmeydi.
Saylawshılar menen ushırasıwlar sıyaqlı ǵalabalıq ilajlar olardıń ótkeriliw ornı hám waqtı haqqında tiyisli rayon (qala) hákimlikleri keminde úsh kún aldın jazba túrde xabardar etilgen halda ótkeriledi. Bunda usı ǵalabalıq ilajlardı ótkeriw ushın ruqsatnama talap etilmeydi.