Янгиликлар
31
Múrájat iyesiniń on jeti million sumnan artıq ústeme pulları tólep berildi
Múrájat iyesiniń on jeti million sumnan artıq ústeme pulları tólep berildi
Qaraqalpaqstan Respublikası Ádillik ministrligine Nókis qalasında jasawshı puqara A.T.nıń ústeme pulları berilmey atırǵanlıǵınan narazı bolıp jollaǵan múrájatı úyrenip shıǵılǵanda tómendegiler anıqlandı.
Anıqlanıwınsha, puqara A.T hám Nókis Olimpiya rezervleri kolledj (keyingi orınlarda kolledj dep júritiledi)i ortasında 2013-jıl 1-fevral kúni 47-sanlı miynet shártnaması dúzilgen hám usıǵan tiykar sol kúni kolledj direktorınıń 27-k-sanlı buyrıǵı qabıl etilip puqara A.T kolledj shıpakeri etip jumısqa qabıl etilgen hámde búgingi kúnde islep kelmekte.
Ózbekstan Respublikası Ministrler Kabinetiniń 2020-jıl 12-avgusttaǵı 480-san qararına 5-qosımsha menen tastıyıqlanǵan “Olimpiya rezervleri kolledjleriniń ayrım xızmetkerlerine miynetine haqı tólew tártibi haqqında”ǵı Reje (keyingi orınlarda Reje dep júritiledi)niń 3-bántinde, Olimpiya rezervleri kolledjiniń ayırım xızmetkerlerine, trener-oqıtıwshılarǵa usı Rejege tiykar qosımsha haqı hám ústemeler belgilenedi dep kórsetilgen.
Rejeniń 5-bántinde, eger sport tayarlıǵınan ótip atırǵan oqıwshı túrli sport jetiskenliklerine iye bolsa, olimpiya rezervleri kolledjiniń ayırım xızmetkerlerine, usı oqıwshı ushın jetiskenlikler esapqa alınǵan halda belgilengen ústemeniń eń joqarı muǵdarı qollanıladı deb belgilengen.
Sonday-aq, Rejeniń 6-bántine tiykar, ústemeniń jámi muǵdarı olimpiya rezervleri kolledji direktorı, direktor orınbasarları, aǵa instruktor-metodisti hám medicina punkti xızmetkerleri ushın – belgilengen bazalıq tarif stavkasınıń 300 payızınan aspawı kerekligi belgilengen.
Biraq, kolledj tárepinen puqara A.T.ǵa kolledj direktorınıń 2020-jıl 30-sentyabr' kúngi 23-sanlı buyrıǵına tiykar usteme pulları tólep beriw 2020-jıl sentyabr ayınan baslap waqtınsha toqtatılǵan.
Bul buyrıqqa, Rejeniń 7-bánti yaǵnıy, “direktor orınbasaraları, aǵa instruktor-metodist, instruktor-metodist, medicina punktı xızmetkerlerine ústeme haqı belgilewde tayarlanǵan sportshılar ushın toplanǵan ulıwma payızlar xızmetkerlerge bóliw arqalı tikkeley oqıwshını tayarlawda qosqan úlesine qarap direktor tárepinen belgilenedi” dep belgilengen talabı tiykar etip alınǵan.
Biraq, Rejeniń 7-bánti, Ózbekstan Respublikası Ministrler Kabinetiniń 2020-jıl 19-noyabr kúngi 735-sanlı qararına tiykar, yaǵnıy 2020-jıl 19-noyabr kúninen baslap kolledj direktorı wákilliginen xızmetkerlerge ústeme haqı belgilew shıǵarıp taslanǵan.
Usıǵan qaramastan, kolledj direktorınıń 2020-jıl 30-sentyabr kúngi 23-sanlı buyrıǵına tiykar 2020-jıl sentyabr ayınan baslap puqara A.T.ǵa ústeme pulları tólep berilmesten kelinbekte.
Rejeniń 31-bántinde olimpiya rezervleri kolledjiniń ayırım xızmetkerlerine hám trener-oqıtıwshılarına qosımsha haqı hám ústemelerdi tólew olardıń is haqısın tólew menen bir waqıtta ámelge asırıladı dep kórsetilgen.
Ózbekstan Respublikası Ministrler Kabinetiniń 2020-jıl 12-avgusttaǵı 480-san qararına 2-qosımsha menen tastıyıqlanǵan “Olimpiya rezervleri kolledji haqqında”ǵı Rejeniń 30-bántinde olimpiya rezervleri kolledji direktorınıń wákillikleri kórsetilgen bolıp, oǵan kóre kolledj direktorına ayrım xızmetkerlerge hám trener-oqıtıwshılarǵa qosımsha haqı hám ústemelerdi tólewdi waqtınsha toqtatıp turıw wákilligi berilmegen.
Ózbekstan Respublikası “Normativ-huqıqıy aktler haqqında”ǵı Nızamnıń 3-statyasında, normativ-huqıqıy akt - bul usı Nızamǵa muwapıq qabıl etilgen, ulıwma májbúriy mámleketlik kórsetpeler sıpatında huqıqıy normalardı belgilewge, ózgertiwge yaki biykar etiwge qaratılǵan rásmiy hújjet ekenligi hámde 5-statyasında Ózbekstan Respublikası Ministrler Kabinetiniń qararları normativ-huqıqıy akt ekenligi kórsetilgen.
Múrájattı úyreniw dawamında anıqlanǵan halatlar boyınsha kolledjge usınıs kirgizildi hám usınısqa tiykar A.T.ǵa 17 207 033 sum ústeme pulları tólep berildi.