Янгиликлар
31
Fermerge járdem akciyası sheńberinde huqıqıy maǵlıwmatlar
Fermerge_járdem_akciyası_sheńberinde_huqıqıy_maǵlıwmatlar
Fermer xojalıǵı - ijaraǵa berilgen jer uchastkalarınan paydalanǵan halda awıl xojalıǵı ónimin jetistiriw hámde nızam hújjetlerinde qadaǵan etilmegen basqa iskerlik túrleri menen shuǵıllanıwshı isbilermenlik sub'ekti esaplanadı.
On segiz jasqa tolǵan, awıl xojalıǵında tiyisli qánigelik yamasa is tájiriybesine iye bolǵan Ózbekstan Respublikasınıń puqarası fermer bolıwı múmkin.
Fermer xojalıǵı awıl xojalıǵına mólsherlengen jerlerde hám rezerv jerlerde shólkemlestiriledi.
Sharўashılıq ónimin jetistiriwge qánigelestirilgen fermer xojalıǵı keminde 30 shártli bas sharўa malı bolǵan jaǵdayda shólkemlestiriledi.
Usı fermer xojalıǵına beriletuǵın jer uchastkalarınıń eń kem ólshemi bir shártli bas sharўa malǵa esaplaǵanda Qaraqalpaqstan Respublikasındaǵı:
-suwǵarılatuǵın jerlerde tiyislinshe, keminde 0,45 gektardı, násilli sharўashılıq fermer xojalıqları ushın 0,6 gektardı;
-suwǵarılmaytuǵın jerlerde keminde 2 gektardı quraydı.
Diyqanshılıq ónimin jetistiriwge qánigelestirilgen fermer xojalıqlarına ijaraǵa beriletuǵın jer uchastkalarınıń eń kem ólshemi:
-paxtashılıq hám ǵálleshilik ushın 30 gektar;
-ǵálleshilik hám palızshılıq ushın 10 gektar;
-baqshılıq, júzimgershilik, palızshılıq hám basqa eginlerdi jetistiriw ushın keminde 1 gektardı hámde kóbi menen 5 gektardı quraydı.
Fermer xojalıǵı sol xojalıq baslıǵı tárepinen shólkemlestiriledi hám ustav tiykarında iskerlik kórsetedi.
Fermer xojalıqların júrgiziw ushın jer uchastkaları ashıq tańlaw tiykarında ijaraǵa eliw jılǵa shekem bolǵan, biraq otız jıldan kem bolmaǵan múddetke beriledi.
Ijaraǵa beriw shártnaması fermer xojalıǵınıń baslıǵı hám rayon hákimi tárepinen imzalanadı.
Fermer xojalıǵına berilgen jer uchastkalarınan qatań belgilengen maqsette paydalanıladı. Olar menshiklestiriliwi, sonday-aq aldı-sattı, girew, sawǵa, almastırıw ob'ekti bolıwı múmkin emes.
Fermer jer uchastkasın yuridikalıq hám fizikalıq shaxslarǵa awıl xojalıq eginlerin aralıq egiw ushın 1 jıllıq múddetke ekilemshi ijaraǵa (úshinshi shaxslarǵa beriw huqıqısız) beriwi múmkin.
Mámleket fermer xojalıqlarınıń huqıqlarına ámel etiliwin hám nızamlı mápleri qorǵalıwın kepilleydi.
Fermer xojalıǵı jumısların tekseriw (finans-xojalıq jumısların tekseriw bunnan tısqarı):
- mámleket mútájlikleri ushın ónim realizaciyalaw shártnama májbúriyatları orınlanbaǵan yamasa jer haqqındaǵı nızam hújjetleri buzılǵanlıǵına dáliller bolǵan jaǵdaylarda;
- ijaraǵa alıw shártnamasına muwapıq ijaraǵa berilgen jer uchastkasınan tek ǵana belgilengen maqsette hám aqılǵa muwapıq paydalanıw máseleleri boyınsha, belgilengen tártipte ámelge asırıladı.