Янгиликлар

Bilesizbe

---

Bilesizbe

Ózbekstan Respublikası Prezidentiniń 2021-jıl 23-mart kúngi 6181-sanlı Pármanı menen 2021-jıl 1-iyun kúninen baslap, mámleketlik uyımlar, xojalıq birlespeleri, jergilikli atqarıwshı hákimiyat uyımları, mámleketlik shólkemler hám mákemeler tárepinen xalıqtan, sonıń ishinde, isbilermenlerden tómendegi faktlerdi tastıyıqlawshı hújjetlerdi talap etiw biykar etiledi:

– ruwxıy kesellikler boyınsha dispanser esabında turıwı yamasa turmawı;
– narkologiya boyınsha dispanser esabında turıwı yamasa turmawı;
– sudlanǵanlıq;
– mánzil-maǵlıwmat málimlemesi;
– puqaranıń atında jeke turaq jaydıń bar yamasa joq ekenligi;
– turaq jaydıń maydanı;
– salıq qarzınıń bar yamasa joq ekenligi;
– salıq tólewshi fizikalıq táreplerdiń mámleketlik salıq xızmeti uyımlarında esapqa turǵanı;
– pensiya hám napaqa muǵdarı;
– pensiya hám napaqa alıwshılar diziminde bar yamasa joq ekenligi;
– neke dizimge alınǵanı, nekede joq ekenligi yamasa nekeden ajırasqanlıǵı.

Bunda, mámleketlik uyımlar hám shólkemler usı hújjet hám maǵlıwmatlardı tiyisli mámleketlik uyımlar hám shólkemlerden ǵárezsiz túrde, sonıń ishinde, «Elektron húkimet» sisteması vedomstvolararalıq integraciyalasıw platforması arqalı sorap aladı.

---