Янгиликлар
22
Bilesiz be? Miynet dawları tómendegi jaǵdaylarda tikkeley rayon (qala) sudlarında kórip shıǵıladı:
Bilesiz be?
Miynet dawları tómendegi jaǵdaylarda tikkeley rayon (qala) sudlarında kórip shıǵıladı:
-eger xızmetkerdiń jumıs ornında miynet dawları komissiyası dúzilmegen bolsa;
-eger miynet shártnamasın biykar etiw tiykarlarına qaramastan, jumısqa tiklew haqqında, miynet shártnamasın biykar etiw waqtı hám tiykarları sıpatlamasın ózgertiw haqqındaǵı, májbúriy progul yamasa kem haqı tólenetuǵın isti orınlaǵan waqıt ushın haqı tólewge baylanıslı bolsa;
-olar xızmetker tárepinen jumıs beriwshige jetkerilgen zıyannıń tóleniwi haqqında bolsa;
-olar miynet wazıypaların orınlap atırǵanda xızmetkerdiń den-sawlıǵına zıyan jetkenligi aqıbetindegi zıyandı (sonıń ishinde ruwxıy zıyandı) yamasa onıń mal-múlkine jetkerilgen zıyandı jumıs beriwshi tárepinen tóleniwi haqqında bolsa;
-olar miynet Kodeksiniń 78-stat'yası 2-bóliminde názerde tutılǵan jaǵdaylarda jumısqa qabıl etiwden bas tartılǵanlıǵı haqqında bolsa;
-olar jumıs beriwshi hám kásiplik awqam birlespesi komiteti yamasa xızmetkerlerdiń basqa wákillikli uyımı menen aldınnan kelisip sheshilgen máseleler boyınsha kelip shıqqan bolsa.
Bul kórsetilgen miynet dawlarınan basqa dawlar da xızmetkerdiń qálewine kóre rayon (qala) sudlarında kóriledi.
Lawazımlı shaxslar tarepinen jumıs beriwshige jetkerilgen materiallıq zıyandı qaplaw haqqındaǵı miynet dawları, eger lawazımlı shaxs jetkergen zıyandı ekonomikalıq dawdı kórip shıǵıw waqtında anıqlanǵan bolsa, ekonomikalıq sudlar tárepinen de kórip shıǵıladı.
Miynet dawı miynet dawları komissiyasında kórilmegen degen wáj benen xızmetkerdiń arzasın kórip shıǵıwdan bas tartıwǵa jol qoyılmaydı.