Янгиликлар
20
Nızamshılıqtaǵı jańalıqlar
Nızamshılıqtaǵı jańalıqlar
Hayallardı reabilitaciya etiw hám maslastırıw boyınsha 29 úlgili oray shólkemlestirildi
“Zorlıq isletiwden jábir kórgen hayal-qızlardı reabilitaciya etiwge baylanıslı qosımsha ilajlar haqqında”ǵı Prezident qararı (PQ–5116-san, 19.05.2021-j.) qabıl etildi
Qararǵa kóre:
Zorlıq isletiwden jábir kórgen shaxslardı reabilitaciya etiw hám maslastırıw hámde óz janına qastıyanlıq etiwdiń aldın alıw respublika orayı saplastırıldı;
Máhálle hám shańaraqtı qollap-quwatlaw ministrligi janında Hayallardı reabilitaciya etiw hám maslastırıw respublika orayı hám onıń aymaqlıq bólimleri shólkemlestirildi.
Respublika orayı hám aymaqlıq oraylar mámleketlik mákeme formasındaǵı yuridikalıq shaxs esaplanıp, oǵan máhálle hám shańaraqtı qollap-quwatlaw ministri usınısına tiykar Ministrler Kabineti tárepinen lawazımǵa tayınlanatuǵın direktor basshılıq etedi.
Sonday-aq, qarar menen hayallardı reabilitaciya etiw hám maslastırıw boyınsha respublika, aymaqlıq hám rayonlar aralıq 29 úlgili oraylar (oraylar) shólkemlestirildi.
Oraylardıń tiykarǵı wazıypalarınan biri basım hám zorlıqtan jábir kórgen, óz janına qastıyanlıq etken yamasa óz janına qastıyanlıq etiwge meyilligi bolǵan hayal-qızlarǵa anonim tárizde qıstawlı medicinalıq, psixologiyalıq, sociallıq, pedagogikalıq, huqıqıy hám basqa járdem kórsetiw esaplanadı.
Oraylarǵa tómendegiler jaylastırıladı:
- zorlıqtan jábirlengen hayal-qızlar hám olardıń erjetpegen perzentleri;
-óz janına qastıyanlıq etken yamasa óz janına qastıyanlıq etiwge meyil bolǵan hayal-qızlar.
2021-jıl 1-iyunnan:
- qorǵaw orderi nusqasın alǵan, yaǵnıy basım ótkergen hám (yamasa) zorlıq islegen yamasa olardı islewge meyil bolǵan shaxslar profilaktikalıq esapqa alınadı;
- oraylarǵa múrájat etken hayal-qızlar hám olardıń erjetpegen perzentleriniń joytılǵan
biometrik pasportların (identifikaciya ID-kartaların) tiklep beriw ilajları kóriledi.
Sonday-aq, basım hám zorlıqtan jábir kórgen hayal-qızlarǵa ruwxıy, psixoterapevtlik, huqıqıy járdem kórsetiw, másláhát beriw hám málimleme usınıw ushın mólsherlengen, 24 saat úzliksiz isleytuǵın “isenim telefonı” (respublika sheńberinde birden bir qısqa nomer) jolǵa qoyıladı.