Янгиликлар
19
Vebinar ótkerildi
Ózbekstan Respublikası Prezidentiniń 2018-jıl 13-apreldegi PQ-3666-sanlı Qararına tiykar, ádillik uyımlarınıń tiykarǵı wazıypalarınıń biri huqıqıy úgit-násiyattı ámelge asırıw, xalıqqa qabıl etilip atırǵan nızam hújjetleriniń mazmun-mánisin hám áhmiyetin jetkeriwden ibarat.
Usı tiykarda Ádillik ministrligi tárepinen xalıqtıń, sonıń ishinde mámleketlik uyımlar hám shólkemlerinde islewshi xızmetkerlerdiń huqıqıy bilimlerin asırıwǵa qaratılǵan másláhat kursları, ushırasıw hám seminarlar ótkerip kelinbekte.
Usı jıldıń 19-may kúni Qaraqalpaqstan Respublikası Den-sawlıqtı saqlaw hám Xalıq bilimlendiriw ministrlikleri hám olardıń quramlıq bólimleri xızmetkerleri ushın vebinar shólkemlestirildi.
Vebinar dawamında miynet hám saylaw nızamshılıǵı, múrájatlar menen islew, korrupciyaǵa qarsı gúresiw, májbúriy miynettiń aldın alıw tarawındaǵı huqıqıy hújjetlerdiń mazmun-mánisi túsindirildi.
Qatnasıwshılardıń miynet múnásibetleri hám múrájatlar menen islew tarawındaǵı sorawlarına juwaplar berildi.