Янгиликлар
17
Nızamshılıqtaǵı jańalıqlar
Nızamshılıqtaǵı jańalıqlar
Qararǵa kóre, 2021-jıl 1-sentyabrden jeke tártiptegi tasıwshılar óz iskerligin tek ǵana agregatorlar xızmetinen paydalanǵan halda ámelge asıradı.
Yuridikalıq shaxslarǵa tiyisli jónelissiz taksilerge tómendegiler ushın ruqsat etiledi:
- jolawshılardı alıw hám túsiriw maqsetinde “Toqtaw qadaǵan etilgen” jol belgisi ámel etiw aymaǵında, sonıń ishinde aeroport hám vokzallarǵa tutas aymaqlarda toqtaw;
- jergilikli mámleketlik hákimiyat uyımları qaramaǵında bolǵan aeroportlar, temir jol vokzalları, avtovokzallar, qurılıs malları, diyqan hám buyım bazarları hámde sawda kompleksleriniń pullı toqtaw orınlarına jolawshılardı alıw hám túsiriw ushın biypul kiriw;
- jónelisli transport quralları ushın ajıratılǵan arnawlı háreketleniw jolı boylap háreketleniw.
Jolawshı tasıwda paydalanılatuǵın avtotransportlardıń reńi hám arnawlı seriyalı mámleketlik nomeri belgisi boyınsha ornatılǵan ámeldegi talaplar 2023-jıl 1-yanvarǵa shekem toqtatıp turıladı.
Sonday-aq, jónelissiz taksiler ushın avtomobil'diń aldınǵı aynasınıń joqarıdaǵı oń múyeshine jaylastırılǵan jasıl reńli jarıtıw shıraǵı, esaplaǵısh (taksometr) hám radiobaylanıs quralı, sonday-aq, qadaǵalaw-kassa mashinasın ornatıw talapları biykar etildi.
Bunnan tısqarı, yuridikalıq shaxslarǵa tiyisli jónelissiz taksi hám jeke tártiptegi tasıwshılar ushın tómendegi talaplar engiziledi:
- avtomobil' tóbesine “TAXI” tanıw belgili toq sarı reńli fonar' ornatıw;
- tólemdi ámelge asırıw, sonday-aq, basıp ótilgen joldı elektron tárizde dizimge alıw imkaniyatın beriwshi arnawlı qoısshalarǵa iye qurılmalar (sonıń ishinde uyalı telefonlar, planshetler) bolıwı;
- avtomobildiń priborlar panelinde avtomobil' transportınıń mámleketlik nomeri, jeke tártiptegi isbilermen sıpatında dizimnen ótkerilgeni haqqındaǵı hújjet (yamasa usı iskerlik túrin ámelge asırıw ushın licenziya/licenziya beti) hám aydawshınıń telefon nomeri kórsetilgen maǵlıwmatlar tablichkası bar bolıwı.