Янгиликлар
17
Xızmetkerlerdiń is haqıların óndiriw boyınsha sud buyrıǵı shıǵarıldı
Xızmetkerlerdiń is haqıların óndiriw boyınsha sud buyrıǵı shıǵarıldı
Xojeli rayonı ádillik bólimine “Xojeli Agroservis MTP”da islewshi 8 xızmetker is haqıların óndiriwde ámeliy járdem sorap múrájat etti.
Múrájattı úyreniw dawamında usı xızmetkerlerdiń 202.313.927 (eki júz eki million úsh júz on úsh mıń toǵız júz jigirma jeti mıń) sum muǵdarında aylıq is haqıları tólenbegenligi anıqlandı.
Ózbekstan Respublikası Miynet kodeksiniń 154-statyasında jumıs beriwshi óziniń finanslıq jaǵdayına qaramastan, xızmetkerge orınlanǵan jumısı ushın is haqısın belgilengen miynet haqı shártlerine muwapıq usı Kodekstiń 161-stat'sında kórsetilgen múddetlerde tólewi shárt ekenligi, al Miynet kodeksinin 161-stat'yasında miynetke haqı tólew múddetleri jámiyetlik shártnama yaki basqada lokal normativ xújjette belgilenedi hám hár yarım ayda bir márteden kem bolıwı múmkin emes dep belgilengen.
Ádillik bólimi tárepinen múrájatshılardıń mápin gózlep Nókis rayonlararalıq puqaralıq isleri boyınsha sudına arzalar kirgizildi hám puqaralarǵa jámi 202.313.927 (eki júz eki million úsh júz on úsh mıń toǵız júz jigirma jeti mıń) sum is haqıların óndiriw boyınsha sud buyrıqları shıǵarıldı hámde puqaralardıń múrájatları qanaatlandırıldı.
A.Gulimbetov,
Xojeli rayon ádillik bólimi jetekshi másláhátshisi