Янгиликлар
07
Nızamshılıqtaǵı jańalıqlar
“Ózbekstan Respublikası toǵay xojalıǵı pidáyisi” kókirek belgisi shólkemlestirildi
Húkimet qararı (285-san, 06.05.2021 y.) menen “Ózbekstan Respublikası toǵay xojalıǵı pidáyisi” kókirek belgisi shólkemlestirildi
Usı kókirek belgi menen mámleketimiz toǵay xojalıǵı tarawın rawajlandırıw, toǵaylardı qorǵaw, saqlaw hám kóbeytiw, olardan aqılǵa uǵras paydalanıw boyınsha salmaqlı nátiyjelerdi qolǵa kirgizip atırǵan puqaralar sıylıqlanadı.
Kókirek belgisi menen Ózbekstan puqarası bolmaǵan shaxslar da sıylıqlanıwı múmkin.
Kókirek belgisi menen sıylıqlaw ushın talabanlar boyınsha usınıslar (maǵlıwmatnama, sońǵı úsh jıl dawamında toǵayshılıq tarawın rawajlandırıw boyınsha ámelge asırǵan jumısları kórsetilgen minezleme menen birge) Toǵay xojalıǵı komitetine hár jılı 1- fevralǵa shekem usınıladı.
Kókirek belgisi menen sıylıqlawǵa baylanıslı usınıslardı kórip shıǵıw boyınsha komissiya hár jılı 1-martqa shekem talabanlar haqqındaǵı tiyisli hújjetlerdi úyrenip shıǵadı hám aqırǵı juwmaqtı qabıl etedi.
Kókirek belgisi hár jılı 21-mart - Xalıqaralıq toǵayshılar kúni qarsańında saltanatlı túrde tapsırıladı.
Sıylıqlanǵanlarǵa BEMnıń 4 esesi (980 mıń sum) muǵdarında bir jola tólenetuǵın pul sıylıǵı yamasa estelik sawǵalar beriledi.