Янгиликлар
06
Nızamshılıqtaǵı jańalıqlar
“Jol háreketi qáwipsizligi salasında mámleketlik xızmetlerdi kórsetiw tártip-qaǵıydaların ápiwayılastırıw ilajları haqqında”ǵı Húkimet qararı (271-san, 04.05.2021-j.) qabıllandı
Qararǵa tiykar, 2021-jıl 1-avgusttan tómendegi mámleketlik xızmetler Birden-bir ınteraktiv mámleketlik xızmetleri portalı arqalı kórsetiledi:
-avtomototransportlar hám qala elektr transportları aydawshıların tayarlaw, qayta tayarlaw hám olardıń mamanlıǵın asırıw boyınsha mámleketlik emes tálim xızmetlerin kórsetiwshi yuridikalıq shaxslardıń oqıw toparların dizimge alıw ;
-avtomototransportlar hám qala elektr transportları aydawshılıǵına talabanlardan imtixanlardı qabıllaw ushın hújjetlerdi hám milliy aydawshılıq gúwalıǵın rásmiylestiriw.
2022-jıl 1-avgusttan oqıw toparların dizimge alıw, sonıń menen birge, aydawshılıqqa talabanlardan imtixanlardı qabıllaw ushın hújjetlerdi hám milliy aydawshılıq gúwalıǵın rásmiylestiriw ushın barlıq tiyisli hújjetler tek Birden-bir ınteraktiv mámleketlik xızmetleri portalı arqalı usınıladı.
2021-jıl 1-sentyabrden aydawshılardan avtomototransporttı basqarıw ushın isenim xat (notarial tártipte tastıyıqlanǵan ), texnikalıq kórikten ótkerilgenligi haqqındaǵı maǵlıwmat, avtotransport quralları aynalarınıń túsin ózgertiwge (qaraytırıwǵa) ruxsatnama elektron formaǵa ótkeriw arqalı usı hújjetlerdi aydawshıdan talap etiw tártibi biykar etiledi.
2021-jıl 1-iyulge shekem MJHQX uyımlarında avtomatlastırılǵan elektron sistemalardıń Birden-bir ınteraktiv mámleketlik xızmetleri portalına integraciya etilgen halda tolıq iske túsiriliwi támiyinlenedi.