Янгиликлар
29
MOYNAQ RAYONI ÁDILLIK BÓLIMINIŃ 2021-JIL 1-ShEREGI DAWAMINDA ÁMELGE ASIRILǴAN JUMISLARI BOYINShA ESABATI
Birden bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw ádillik uyımlarınıń tiykarǵı wazıypalarınan biri bolıp esaplanadı.
Bul baǵdarda 2021-jıl 1-sheregi dawamında Moynaq rayonı ádillik bólimi tárepinen bir qatar jumıslar ámelge asırıldı.
Atap aytqanda:
Insan huqıqların qorǵaw tarawında:
Bólimge fizikalıq hám yuridikalıq shaxslardan 26 arza hám shaǵımlar kelip tusip 11 (42 %) qanaatlandırıldı, 7 múrájatqa huqıqıy túsinikler berildi, 4 múrájat kórip shıǵıw ushın tiytisliligi boyınsha jiberildi, 1 múrájat múrájat iyesiniń iltimasına kóre kórmesten qaldırıldı, qalǵan 3 múrájat bolsa, esabat dáwiri aqırında qaldıqta qaldı.
Múrájatlar nátiyjesinde Sudlarǵa puqaralardıń mápin gózlep 14 mln 841 mıń swmlıq 2 dawa arzalar kirgizilip, puqaralardıń buzılǵan huqıqları tiklendi.
Bólimge kelip túsken múrájatlar analizlengende eń kóp múrájatlar miynet hámde sociallıq qorǵaw máselelerine baylanıslı ekenligi anıqlandı.
Huqıqtı qollaw ámeliyatın úyreniw tarawında:
Bólim tárepinen mámleketlik uyımlardıń huqıqtı qollaw ámeliyatın úyreniw tiykarınan normativ-huqıqıy hújjetler orınlanıwın támiyinlew, nadurıs yamasa qarama-qarsılıqlı qollaw ámeliyatına alıp keletuǵın normalardı óz waqtında anıqlaw hám saplastırıw boyınsha da bir qansha jumıslar ámelge asırmaqta.
Usı baǵdar boyınsha bólim tárepinen 3 tarawda huqıqtı qollaw ámeliyatı úyrenildi.
Atap aytqanda:
-Moynaq rayonı dene-tárbiya hám sport bóliminde huqıqtı qollaw ámeliyatı, mámleket basqarıwınıń nátiyjeliligi hám ishki norma dóretiwshiligi iskeligi úyrenildi;
-Moynaq rayonı puqaralardıń ózin-ózi basqarıw uyımları hámde rayonlıq Abadanlastırıw basqarmasında haqı tólenetuǵın jámiyetlik jumıslardı shólkemlestiriw iskerliginde huqıqtı qollaw ámeliyatı úyrenildi;
-Rayonlıq Xalıq bilimlendiriw bóliminde fizikalı hám psixologiyalıq rawajlanıwda kemshiligi bolǵan balalardıń úyde jeke tártipte bilim alıwı huqıqı realizaciya qılınıwı ámeliyatı úyrenildi.
Sonday-aq, rayondaǵı bárshe ulıwma bilim beriw mektepleri hám mektepke shekemgi bilimlendiriw shólkemleri xızmetkerleriniń medicinalıq kórikten ótkeriliwiniń nızamshılıqqa muwapıqlıǵı boyınsha monitoring ótkerildi.
Bul ótkerilgen úyreniwler hámde monitoringler nátiyjesinde bir qansha nızam buzıwshılıq jaǵdayları anıqlandı. Anıqlanǵan nızambuzılıwshılıqlarǵa jol qoymaslıq, olardıń sádir etiliwine kómeklesiwshi sebepler hám shárt-sharyatlardı saplastırıw haqqında mákeme hám shólkemlerge jámi 18 usınıs, 34 eskertiw kirgizildi, bul usınıslar nátiyjesinde, qáte hám kemshiliklerge jol qoyǵan 8 xızmetker intizamiy juwapkershilikke tartıldı.
Yuridikalıq xızmetlerdiń jumısların muwapıqlastırıw tarawında:
Búgingi kúnde rayonımızdaǵı mámleketlik mákeme hám shólkemlerde 9 yuriskonsult bar bolıp, olardan jıl basınan 1 yuriskonsult Ádillik ministrliginen attestaciyadan ótkizildi, 1 talaban sáwbetten ótkerilip lawazımǵa tayınlandı. Sonday-aq, olardıń tájiriybesin arttırıw maqsetinde 1 yuriskonsult Ózbekstan Respublikası Ádillik ministrligi janındaǵı Yuristler mamanlıǵın asırıw orayında aralıqtan oqıwda oqıp mamanlıǵın asırdı.
Huqıqıy ekspertiza tarawında:
Moynaq rayonı ádillik bólimi tárepinen Moynaq rayonı hákiminiń hám rayonlıq xalıq deputatları Kenesiniń 3 qarar joybarları huqıqıy ekspertizadan ótkerilip mámleketlik esapqa alınıwı támiyinlendi.
Huqıqıy úgit-násiyat hám aǵartıwshılıq tarawında:
Bólim tárepinen huqıqıy úgit-násiyat ilajları puqaralardan kelip túsip atırǵan múrájatların tereń tallaw arqalı xalqımızdıń kúndelikli turmısında ushırasatuǵın máseleler, yaǵnıy materiallıq járdem, jer, úy-jay alıw, kommunal xojalıq, jeńillikler, jumısqa jaylastırıw, bilim alıw hám basqalar boyınsha úgit-násiyat jumısları mánzilli túrde alıp barıldı.
Atap aytqanda, «Biypul huqıqıy másláhát penen hár bir úyge» uranı astında jańa huqıqıy másláhát beriw sistemasın shólkemlestiriw arqalı xalıqtın huqıqıy sawatsızlıǵın joq etiw maqsetinde ministrlik hám rayonlıq ádillik bólimi xızmetkerlerinen ibarat isshi toparlar dúzildi hám isshi toparlar tárepinen puqaralarǵa huqıqıy másláhátler berildi.
Sonıń menen birge puqaralardıń huqıqıy sana hám huqıqıy mádeniyatın joqarılatıwǵa baylanıslı jumıslardıń nátiyjeliligin jáne de asırıw, puqaralardıń jámiyetlik-siyasiy ózgerisler menen sáykes túrde huqıqıy bilimlerin asırıp barıwdıń zamanagóy usılların engiziw maqsetinde 2021-jıl dawamında ádillik bólimi tárepinen «shaxs — shańaraq — máhálle —bilimlendiriw mákemesi — shólkem — jámiyet» principi boyınsha 219 úgit-násiyat jumısları (105 ǵalaba xabar qurallarında, 104 awızeki, 10 kórgizbeli huqıqıy úgit-násiyat) alıp barıldı.
Jańadan qabıl etilgen 291 normativ-huqıqıy hújjetler rayonlıq mákeme hám shólkemlerine elektron formada jetkerilip berildi.
Xalıqqa elede qolaylıq jaratıw maqsetinde, huqıqıy úgit-násiyat jumısları Moynaq rayonı ádillik bóliminiń bárshe rásmiy sociallıq tarmaqlardaǵı kanallarında turaqlı ráwishte alıp barılmaqta.
Moynaq rayonı ádillik bólimi bas másláhátshisi: A.Ernashov