Янгиликлар
21
Nızamshılıqtaǵı_jańalıqlar
Mámleketlik xızmetlerdi kórsetiwde agentler iskerligi jolǵa qóyıladı
“Mámleketlik xızmetlerdi kórsetiwde agentler iskerligin shólkemlestiriw ilajları haqqında”gi Húkimet qararı (221-san, 19. 04. 2021 y.) qabıl etildi.
Qarar menen Mámleketlik xızmetlerdi kórsetiwde isbilermenlik subektlerine agent retinde qatnasıw ushın sertifikat beriw tártibi haqqındaǵı Reje tastıyıqlandi.
Rejege kóre, agent - akkreditaciyadan ótken oqıw orayları tárepinen beriletuǵın sertifikatqa iye bolǵan, mámleket xızmetlerin kórsetiw málimleme sisteması arqalı arzagóylerdiń maǵlıwmat hám hújjetlerin tiyisli mámleket organı yamasa shólkemine jiberiw hám de xızmet nátiyjesin arzagóyпу usınıw iskerligin ámelge asırıwshı jeke tártiptegi isbilermen (jumısshısı) yamasa yuridikalıq shaxs bolǵan isbilermenlik subekti jumısshısı esaplanadı.
Sertifikat Ministrler Kabineti janındaǵı Tálim sapasın qadaǵalaw mámleketдшл inspektsiyasında akkreditaciyadan ótken mámleketlik emes tálim mákemeleri tárepinen mámleket xızmetlerin kórsetiw boyınsha oqıw kursları juwmaqlarına kóre 3 jıl múddetke beriledi.
Talabanlar oqıw kurslarında qatnasıw ushın ózine qolay bolǵan aymaqtaǵı oqıw oraylarına múrájat etiwleri múmkin.
Oqıw kurslarında qatnasıw ushın tólew muǵdarı oqıw orayları tárepinen ǵárezsiz belgilenedi. Oqıw kursları juwmaǵı boyınsha talabanlar sertifikat alıw ushın ilmiy mamanlıq imtixanı (test) tapsıradı.
Sertifikatqa agent tárepinen kórsetiletuǵın xızmetler dizimi qosımsha etiledi hám de agentke mámleket xızmetlerin kórsetiw málimleme sistemasında bul dizimdegi xızmetlerdi kórsetiw múmkinshiligi jaratıladı.
Sonıń menen birge, qarar menen Isbilermenlik subektleri tárepinen agent retinde kórsetiliwi qadaǵan etilgen mámleket xızmetlerin dizimi (13) tastıyıqlandi.
Qararǵa kóre, mámleketlik emes tálim mákemeleri tárepinen agentlerge QR-kod qoyılǵan sertifikat beriw imkaniyatın beretuǵın málimleme sisteması engiziledi.