Янгиликлар
15
Nızamshılıqtaǵı_jańalıqlar
Ózbekstan Respublikası Prezidentiniń 2021-jıl 23-martdaǵı «Xalıq ham isbilermenlik subektlerine mámleketlik xızmetlerinen paydalanıwda elede qolay shárayatlar jaratıw, bul boyınsha byurokratiyalıq tosıqlardı qısqartıw boyınsha qosımsha is-ilajlar haqqındaǵı» PF-6191-san Pármanı qabıl etildi.
Párman menen usı jıldıń 1-iyunınan baslap tómendegi tártip ornatılmaqta:
puqaralardıń turaqlı (waqtınsha) dizimnen ótken ornına qaramastan puqaralıq halatı aktlerin dizimge alıw, nekeleniwshi shaxslardı medicinalıq kórikten ótkeriw hám shet elge shıǵıw biometrikalıq pasportın rásmiylestiriw eksterritorial princip tiykarında ámelge asıriladı;
notarial háreketlerdi ámelge asırıwda puqaralıq halatı akti jazıwları menen baylanıslı barlıq maǵlıwmatlar notarial keńseler tárepinen ǵárezsiz túrde, puqaralardan artıqsha maǵlıwmat talap etpesten, “PHAJnıń birden-bir elektron arxivi” málimleme sisteması arqalı alınadı;
mámleket xızmetleri orayları arqalı xızmetlerden paydalanıwda fizikalıq hám yuridikalıq shaxslar tárepinen artıqsha tólengen tólemler, sonday-aq, mámleket xızmetin tezlestirilgen tártipte kórsetiw ushın qosımsha tólengen jıyımlar summası ápiwayılastırılǵan tártipte Mámleketlik xızmetleri agentliginiń byudjetten tısqarı fondı qarjıları esabınan bir jumıs kúni ishinde qaytarıladı. Bunda qaytarıp berilgen qarjılar Agentlik tárepinen tiyisli mámleketlik uyımları hám shólkemlerinen regress tártibinde óndirip alınadı;
mámleketlik xızmetin kórsetiw nátiyjesinde beriletuǵın hújjetler QR-kod (matrik shtrixlı kod) qoyıw arqalı berilgende olardıń dublikatların beriw tártibi biykar etiledi. Bunda, bul hújjetler elektron formada Birden-bir interaktiv mámleketlik xızmetleri portalı arqalı shegaralanbaǵan muǵdarda biypul alınadı.
2021-jıl 1-iyunnan baslap mámleketlik shólkemleri, xojalıq birlespeleri, jergilikli atqarıw hákimiyat uyımları, mámleketlik shólkemleri hám mákemeleri tárepinen xalıqtan, sonday-aq isbilermenlik sub'ektlerinen:
a) tómendegi faktlardı tastıyıqlawshı hújjetlerdi:
ruxıy kesellikler boyınsha dispanser esabında turıwı yamasa turmaslıǵı;
narkologiya boyınsha dispanser esabında turıwı yamasa turmaslıǵı;
sudlanǵanlıq;
mánzil-maǵlıwmat málimlemesi;
puqaranıń atında jeke turaq-jay bar yamasa joqlıǵı ;
turaq jaydıń maydanı ;
salıq qarızı bar yamasa joqlıǵı ;
salıq tólewshi fizikalıq shaxslardıń mámleketlik salıq xızmeti uyımlarında esapqa qoyılǵanlıǵı ;
pensiya hám napaqa muǵdarı ;
pensiya hám napaqa alıwshılar diziminde bar yamasa joqlıǵı ;
neke dizimge alınǵanlıǵı, nekede turmaslıǵı yamasa nekeden ajrasqanlıǵı;
b) tómendegi hújjetlerdi:
shaxstı tastıyıqlawshı hújjettiń nusqası ;
shaxstıń belgilengen formadaǵı fotosúwreti;
medicinalıq-sociallıq ekspert komissiyalarınıń málimlemeleri;
miynet dáptersheleri hám olardıń nusqaları (puqaralarǵa pensiya tayınlaw processinde usı hújjetti «Birden-bir milliy miynet sisteması» keńselerara programmalıq-apparat kompleksi arqalı alıw múmkinshiligi bolmaǵan jaǵdaylarda soraw bunnan tısqarı);
is haqı hám is stajın, joqarı hám orta arnawlı bilimlendiriw mákemelerinde oqıǵanlıgın tastıyıqlawshı arxiv maǵlıwmatları (puqaralarǵa pensiya tayınlaw processinde usı hújjetti «Birden-bir milliy miynet sisteması» keńselerara programmalıq-apparat kompleksi arqalı alıw múmkinshiligi bolmaǵan jaǵdaylarda soraw bunnan tısqarı);
kadastr hújjetleri ham olardıń nusqaların talap etiw biykar etiledi.
2021-jıl 1-iyunnan baslap:
Agentlik yuridikalıq shaxslardı (mámleketlik emes kommerciyalıq emes shólkemleri, bankler hám kredit byurolarınan tısqarı) mámleketlik diziminen ótkeriw boyınsha birden-bir wákillikli organ esaplanadı;
mámleket uyımlar hám shólkemleri, yuridikalıq shaxslar birlespeleri, baqshılıq-júzimshilik shirketleri, islep shıǵarıw hám awıl xojalıǵı kooperativleri hámde advokatlıq strukturaların mámleket diziminen ótkeriw mámleket xızmetleri orayları tárepinen ámelge asıriladı.
huqıq qorǵaw organları, Monopoliyaǵa qarsı gúresiw komiteti hám Mámleket aktivlerin basqarıw agentligi tárepinen isbilermenlik sub'ektleri haqqındaǵı maǵlıwmatlardı Agentlik hám mámleket xızmetleri oraylarınan soraw toqtatıladı. Bunda, usı shólkemler isbilermenlik sub'ektleri haqqındaǵı maǵlıwmatlardı Isbilermenlik sub'ektlerin mámleket diziminen ótkeriw hám esapqa qoyıwdıń avtomatlastırılgan sistemasınan ǵárezsiz túrde aladı.
2021-jıl 1-maydan puqaralar hám isbilermenlik sub'ektleriniń qálewine kóre kórsetilgen mámleketlik xızmetiniń nátiyjesi pochta baylanısı arqalı jetkiziletuǵın mámleketlik xızmetleriniń dizimi tastıyıqlandı.
1. Sudlardan shıǵatuǵın rásmiy hújjetlerge apostil' qoyıw.
2. Tálim hám pán tarawı shólkemlerinen shıǵatuǵın rásmiy hújjetlerge apostil' qoyıw.
3. Tálim alǵanlıq haqqındaǵı hújjet dublikatın usınıw.
4. Shet el mámleketlerde ulıwma orta hám orta, joqarı tálim alǵanlıq haqqında hújjetlerdi tán alıw hám nostrifikatsiyalaw.
5. Shet el mámleketlerde ilimiy dáreje alǵanlıq haqqındaǵı hújjetlerdi tán alıw hám nostrifikatsiyalaw.
6. Aydawshılıq gúwalıǵın beriw, almastırıw hám joytılǵanlarına ornına tazasın beriw hám taǵı basqalar.
* Mámleketlik xızmetleriniń nátiyjesi pochta baylanısı arqalı jetkerilgende pochta xızmetleri ushın ámelge asırılatuǵın tólemler mámleketlik xızmetinen paydalanıwshı esabınan ámelge asırıladı.
Qaraqalpaqstan Respublikası Ádillik ministrligi
bas másláhatshisi A.Otarbaev