Янгиликлар
15
Nızamshılıqtaǵı_jańalıqlar
“Kapital bazarın tártipke salıw sistemasın jáne de jetilistiriw ilajları haqqında”ǵi Prezident Qararı (PQ-5073-san, 13. 04. 2021 j.) qabıllandı.
Qararǵa kóre, 2021-jıl 1-maydan Kapital bazarın rawajlandırıw agentligi saplastırılıp, onıń qımbatlı qaǵazlar bazarın tártipke salıw boyınsha wazıypa, funktsiya hám kepillikleri Finans ministrligine ótkeriledi.
Soǵan kóre, Finans ministrligine kapital bazarın rawajlandırıw tarawında bir qatar wazıypalar júkletildi.
Ministrlik qımbatlı qaǵazlar bazarın qáliplestiriw, rawajlandırıw, tártipke salıw, baqlaw hám korporativ basqarıw tarawında birden-bir mámleket siyasatın ámelge asıradı.
Ministrlik oraylıq apparatı strukturasında Kapital bazarın rawajlandırıw departamenti dúzildi.
Departamenttiń óz iskerligin tikkeley aymaqlarda júrgizetuǵın xızmetkerleri miynetke haqi tólew shártleri boyınsha Finans ministrligi oraylıq apparatı xızmetkerlerine teńlestiriledi.