Янгиликлар
02
Nızamshılıqtaǵı_jańalıqlar
Awıl xojalıǵına mólsherlengen jerler 10 gektarǵa shekem ekilemshi ijaraǵa beriliwi múmkin
“Diyqan xojalıǵı haqqında”ǵı Nızam (680-sanlı Nızam, 01.04.2021-j.) Prezident tárepinen imzalandı.
Nızamǵa kóre, 18 jasqa tolǵan, háreket uqıplıǵına iye bolǵan, ózine diyqan xojalıǵın júrgiziw ushın jer uchastkası miyras etip qaldırılatuǵın ómirlik iyelik etiw yamasa ijara (ekilemshi ijara) huqıqı tiykarında berilgen Ózbekstan puqarası yamasa Ózbekstan aymaǵında turaqlı jasawshı puqaralıǵı bolmaǵan shaxs diyqan xojalıǵı baslıǵı bolıwı múmkin.
Diyqan xojalıǵı diyqan xojalıǵı baslıǵınıń mámleketlik xızmetleri oraylarına jeke óziniń barıwı arqalı yamasa Birden-bir interaktiv mámleketlik xızmetleri portalı arqalı esapqa qoyıladı yamasa mámleketlik dizimnen ótkeriledi.
Bunda mámleketlik bajı hám jıyım óndirilmeydi.
Diyqan xojalıǵın júrgiziw ushın 0, 06 gektardan 1 gektarǵa shekem bolǵan ólshemde jer uchastkaları beriledi.
Sonıń menen birge, awıl xojalıǵına mólsherlengen jerlerdiń tiykarǵı eginnen bosaǵan bólegi 0, 06 gektardan 10 gektarǵa shekem bolǵan ólshemde bir jılǵa shekem bolǵan múddetke ekilemshi ijaraǵa (úshinshi shaxslarǵa beriw huqıqısız) beriliwi múmkin.
Diyqan xojalıǵın júrgiziw ushın berilgen jer uchastkasınan diyqan xojalıǵınıń qánigelesiwi tiykarında tek ǵana awıl xojalıǵı ónimleri jetistiriw ushın paydalanılıwı kerek.
Sonıń menen bir waqıtta bunday jer uchastkasında 10 asqa shekem sharўa malın otlatıwǵa jol qoyıladı.
Jer uchastkasında jeńil konstrukciyalı teplicalar hám basqa imaratlar, sonıń menen birge suwǵarıw soorujenielerinen tısqarı imaratlar, sonıń ishinde jer astı soorujenieleri anıqlanǵan jaǵdayda, wákillikli mámleketlik organınıń jazba usınısına kóre diyqan xojalıǵı baslıǵı usınıstı alǵan kúnnen baslap 15 kún ishinde ıqtıyarlı tiykarda óz esabınan buzıp taslawı hámde jer uchastkasın aldınǵı jaǵdayǵa keltiriwi shárt.
Diyqan xojalıǵı óz qánigelesiwin, sonıń ishinde awıl xojalıǵı eginleriniń túrleri hám kólemlerin, olardı jetistiriw hámde agrotexnikalıq ilajlardı ótkeriw usılların ǵárezsiz túrde belgileydi.
Diyqan xojalıǵı ózi islep shıǵarıp atırǵan awıl xojalıǵı ónimlerine bazardaǵı talap hám usınıstan kelip shıǵıp ǵárezsiz túrde bahalardı belgileydi.
Mámleket diyqan xojalıqlarınıń huqıqlarına hám nızamlı máplerine ámel etiliwin kepilleydi.
Diyqan xojalıqları ıqtıyarında bolǵan jer uchastkaları maydanların olardıń razılıǵısız optimallastırıwǵa (qısqartıwǵa, ózgertiwge hám basqalarǵa) jol qoyılmaydı.
Bul Nızam rásmiy járiyalanǵan kúnnen baslap kúshke kiredi.