Bog'lanish

Telefon
(+998 55) 101-10-08

Elektron manzil
qoraqalpoq@adliya.uz

Habar yuborish
Ishonch telefoni 1008

Янгиликлар

06

Nızamshılıqtaǵı_jańalıqlar


Sudlanǵan shaxslardı saqlaw jaǵdayı ústinen qadaǵalaw alıp barıw processleri tolıq avtomatlastırıladı
Qararǵa (https://t.me/huqiqiymalimleme/4732) muwapıq, 2021-jıl 1-iyul'dan shaxslardı profilaktikalıq esapqa alıwdıń elektron sisteması engiziledi.
“Qawipsiz bilimlendiriw shólkemi” principi tiykarında rayon, qala ishki isler uyımları quramında 2 000 shtat birliklerinen ibarat erjetpegenler máseleleri boyınsha inspektor-psixolog lawazımları engiziledi hámde olar tikkeley ulıwma orta bilim beriw mákemelerinde xızmet oteydi.
2021-2023-jıllar dawamında jazanı orınlaw sistemasın sanlastırıw arqalı tarawda insan faktorın sheklew hám jazanı ótewdiń tártibin támiyinlew maqsetinde:
- jazanı orınlaw mákemeleri hám tergew qamaqxanalarında qatań intizam hám nızamlılıqtı támiyinlew, korrupciyalıq jaǵdaylardıń aldın alıw, sonıń menen birge, sudlanǵanlardı saqlaw halatı ústinen qadaǵalaw alıp barıw processleri tolıq avtomatlastırıladı ;
- jazanı orınlaw mákemelerinde sudlanǵanlar, sonday-aq olardıń aǵayinleri tárepinen nızam menen qadaǵan etilmegen buyımlardı erkin bazar mexanizmlerine tiykarlanǵan elektron dúkanlar arqalı satıp alıw múmkinshiligi jaratıladı ;
- hár bir sudlanǵan shaxslardıń minez-qulqı hám shaxsı haqqındaǵı maǵlıwmatlar elektron bazası júritiledi jáne onıń tiykarında sudlanǵanlardı bólistiriw procesi tolıq sanlastırıladı.
Sonıń menen birge, 2021-jıl juwmaǵına shekem tómendegiler jaratıladı:
- ishki isler uyımları tarawlıq xızmetleriniń elektron maǵlıwmatlar bazaların birden-bir platforma negizinde birlestiriw tiykarında “E-ishki isler uyımları” oraylasqan málimleme sisteması ;
- Ishki isler ministrliginiń Maǵlıwmatlardı qayta islew birden-bir orayı.
Qarar menen sonıń menen birge, Ishki isler ministrligi janındaǵı Jazanı orınlaw departamenti haqqındaǵı reje tastıyıqlandı.