Янгиликлар
12
Ádillik_bólimi_aralasıwı_menen
Miynet dáptershege nadurıs jazıw kiritken basshıǵa járiyma jazası tayınlandı
Taxtakópir rayonı ádillik bólimi tárepinen, puqara S.Mnıń múrájatın úyreniw dawamında, Rayonlıq Aўıl xojalıǵı bólimi baslıǵı N.S tárepinen, xızmetker S.M menen 2021-jıl 4-fevral' kúni miynet shártnaması biykar etilgen hámde xızmetkerdiń miynet dáptershesine biykar etiw tiykarları yaǵnıy Ózbekstan Respublikası Miynet kodeksiniń tiyisli stat'yası menen tiysli jazıwlar 3-ústinge jazılǵanı hámde bólimniń mórisi menen tastıyıqlanbaǵanlıǵı anıqlandı.
Yaǵnıy, Ózbekstan Respublikasınıń Ádillik ministrligi tárepinen 1998-jıl 29-yanvarda 402-san menen dizimnen ótken «Miynet dáptershelerin júritiw tártibi haqqında»ǵı Reje talapları orınlanbastan, nızambuzıwshılıqqa jol qoyılǵan.
Usı Rejeniń 3.1-bántine kóre xızmetker menen jumıs beriwshi ortasındaǵı miynet shártnaması biykar etilgende xızmetkerdiń usı shólkemde islegen dáwirde miynet dáptershesine jumısı haqqındaǵı maǵlıwmat jazıwlar mákeme basshısı yaki arnawlı wákillik berilgen shaxstıń imzası menen hám mákeme yamasa xızmetler bóliminiń mórisi menen tastıyıqlanadı.
Sonday-aq, Ózbekstan Respublikası Miynet kodeksiniń 81-stat'yasınıń 3-bóliminde jumıs beriwshi miynet dáptershesine jumısqa qabıl etiw, basqa turaqlı jumısqa ótkeriw xám miynet shártnamasın biykar qılıw haqqındaǵı maǵlıwmatlardı jazıwı shárt. Xızmetkerdiń iltimasına kóre miynet dáptershsine orındaslıq (ўrindoshlik) tiykarda islegen hám waqıtınsha basqa jumısqa ótkerilgen dáwirler haqqındaǵı jazıwlar kiritiledi. Miynet shártnamasın biykar etiw tiykarları (sebepleri) miynet dáptershesine jazılmaydı dep kórsetilgen.
Ádillik bólimi tárepinen Taxtakópir rayonlıq Xalıq bántligine kómeklesiw orayına Bólim baslıǵı N.S. nı hákimshilik juwapkershilikke tartıw haqqında usınıs kirgizilip, Oraydıń 2021-jıl 24-mart kúngi qararı menen Ózbekstan Respublikası HJhKniń 49-stat'yası tiykar járiyma jazası tayınlandı.
R.Kurbanov
Taxtakópir rayonı ádillik
bólimi bas másláhátshisi