Янгиликлар
08
Nızamshılıqtaǵı_jańalıqlar
Turizm hám sport ministrligi shólkemlestirildi
“Turizm, sport hám mádeniy miyras tarawlarında mámleketlik basqarıw sistemasın jánede jetilistiriw ilajları haqqında”ǵı Prezident Pármanı (PP–6199-san, 06.04.2021-j.) qabıl etildi.
Pármanǵa muwapıq, Dene tárbiya hám sport ministrligi hámde Turizmdi rawajlandırıw mámleketlik komiteti negizinde Turizm hám sport ministrligi;
Dene tárbiya hám sport ministrligi hámde Turizmdi rawajlandırıw mámleketlik komitetiniń tiyisli aymaqlıq bólimleri negizinde ministrliktiń Qaraqalpaqstan Respublikası, wálayatlar hám Tashkent qalası bas basqarmaları, rayonlar (qalalar) bólimleri shólkemlestirildi.
Ministrlik turizm, dene tárbiya, sport hám mádeniy miyras tarawlarında birden bir mámleketlik siyasattı ámelge asırıwshı mámleketlik basqarıw uyımı esaplanadı.
Pármanǵa tiykar, Ministrler Kabinetiniń atqarıwshı dúzilmesinde:
Bas ministr orınbasarı – Turizmdi rawajlandırıw mámleketlik komiteti baslıǵı lawazımı saplastırıldı;
Bas ministr orınbasarı – turizm hám sport ministri lawazımı kirgizildi;
Mádeniy miyrastı qorǵaw inspekciyası shólkemlestirildi.
Ministrlik janında Mádeniy miyras agentligi hámde onıń Qaraqalpaqstan Respublikası, wálayatlar hám Tashkent qalası basqarmaları shólkemlestirildi.
Soǵan kóre, Mádeniyat ministrligi sistemasındaǵı mámleketlik muzeyler, muzey qorıqxanalar hám úy muzeyleri, materiallıq mádeniy miyrastıń kóshpes múlk obektleri hám “Moziydan sado” jurnalı usı Agentlikke ótkerildi.
Sonday-aq, transport ministriniń turizm tarawında transport logistikasın rawajlandırıw máseleleri boyınsha másláhátshisi lawazımı engizildi.
Bas prokuratura shólkemlestiriw-shtat dúzilmesinde mádeniy miyras tarawındaǵı nızamshılıq orınlanıwı ústinen qadaǵalaw boyınsha tiyisli bólim shólkemlestiriledi.
Qaraqalpaqstan Respublikası Ádillik ministrligi bas másláhátshisi
A.Otarbaev