Янгиликлар
Юридик хизмат фаолиятини такомиллаштириш
Қорақалпоғистон Республикаси Адлия вазирлиги томонидан Қорақалпоғистон Республикаси Прокуратураси билан ҳамкорликда Республика Вазирлар Кенгашида барча давлат бошқаруви ва маҳаллий давлат ҳокимияти ва хўжалик бошқаруви органлари юридик хизмати ходимлари ҳамда оммавий ахборот воситалари иштирокида “Давлат органларида юридик хизмат фаолиятини янада такомиллаштириш ва ривожлантиришнинг долзарб масалалари” мавзусида ўқув-семинар ташкил қилинди.
Семинар иккита секцияга ажратилган ҳолда олиб борилди.
Жумладан, биринчи секцияда сўзга чиққанлар, ўтган йиллар ва жорий йилнинг 10 ой ҳолатига республикада норма ижодкорлиги ва ҳуқуқни қўллаш амалиёти ва юридик хизмат ҳамда меҳнат қонунчилиги ва бошқа соҳаларда амалга оширилган ишларнинг таҳлили юзасидан ва такрорий йўл қўйилаётган қонунбузилиш ҳолатлари бўйича амалга оширилган ишларнинг ҳолатига танқидий нуқтаи назардан статистик мисоллар билан ҳуқуқий баҳо бериб ўтилган бўлса, 
ўз ўрнида иккинчи секция вакиллари томонидан юқорида баён қилинган хато ва камчиликларни бартараф этишнинг қонуний йўллари тўғрисида батафсил ҳам назарий, ҳам амалий аҳамиятга эга бўлган билим ва кўникмаларни ўқитишнинг ноанъанавий услубларидан самарали фойдаланган ҳолда кенг жамоатчилик диққат-эътиборига етказиб бердилар.
Шунингдек, семинар давомида қонун ижодкорлиги соҳасига семинар иштирокчилари томонидан алоҳида эътибор қаратилди ва қонунчилик ташаббуси ҳуқуқига эга бўлган субъектларга қонунчиликни такомиллаштириш юзасидан асослантирилган таклифлар бериб ўтилди.
Ўқув-семинари давомида иштирокчилар ўзларини қизиқтирган саволларига жавоблар олди.