Bog'lanish

Telefon
(+998 55) 101-10-08

Elektron manzil
qoraqalpoq@adliya.uz

Habar yuborish
Ishonch telefoni 1008

Янгиликлар

20

ОГОҲЛИК ДАВР ТАЛАБИ

Ўзбекистон Республикаси давлат санъат ва маданият институти Нукус филиалида талабалар билан диний-экстремизм, ақидапарастлик, миссионерликга қарши курашиш ва тотувликни мустаҳкамлаш бўйича «Огоҳлик давр талаби» мавзусида учрашув ўтказилди. 1.jpg

Учрашувда Қорақалпоғистон Республикаси Адлия вазирлиги, Бердақ номидаги Қорақалпоқ давлат университетининг ўқитувчилари, Муҳаммад ибн Ахмад Ал-Беруний номидаги ўрта махсус ислом билим юрти ўқитувчилари, Қорақалпоғистон Республикаси «Камолот» ЁИҲ Маънавий ва маърифий ишлар бўйича вакиллари, ўқув даргоҳининг талабалари ва ота-оналар, профессор-ўқитувчилар ҳамда оммавий ахборот воситалари вакиллари иштирок этдилар.

Учрашув давомида иштирокчиларга интернет тармоқлари орқали узатилаётган ҳар хил маънавий хавфларнинг жабркашлари ёшлар бўлаётганлиги, ҳар хил ижтимоий тармоқлар орқали ёвузликни, ахлоқсизликни, диний экстремизмни тарғибот қилувчи, миллий маънавиятимизга ва давлатимиз осойишталигига хавф туғдурувчи материалларни тарқатаётганлиги тўғрисида кенг тушунчалар берилди.

Шунингдек, Қорақалпоғистон Республикаси Адлия вазирлиги масъул ходими томонидан “Виждон эркинлиги ва диний ташкилотлар тўғрисида”ги қонуни, диний экстремизм, терроризм, миссионерлик шунингдек, интернет тармоқлари орқали узатилаётган ҳар хил бузғунчи ғояларга қарши кураш тўғрисида иштирокчиларга тушунтириш берилди. Шунингдек, тадбирда “Фитна” ва “Ойдинда ой қидирган ожизалар” номли бадиий фильмлар намойиш этилди.1.jpg

Учрашувлар давомида маърузалар юзасидан баҳс-мунозара, таклиф ва тавсиялар бўйича чиқишлар қилинди.

Иштирокчилар ўзларини қизиқтирган саволларига тўлиқ жавоблар олишди.

Тадбир ташкилотчиларининг айтишича, шу мазмундаги учрашувлар қолган барча олий таълим муассасаларида ҳамда ўрта махсус касб-ҳунар коллежлари ва академик лицейларда ўтказилади.