Қорақалпоғистон Республикаси Вазирлар Кенгашида барча давлат бошқаруви органлари, маҳаллий давлат ҳокимияти органлари вакиллари ва ҳуқуқни муҳофаза қилувчи органлар ҳамда тадбиркорлик фаолияти субъектлари иштирокида 2015 йили 20 август куни қабул қилинган «Ўзбекистон Республикасининг айрим қонун ҳужжатларига хусусий мулкни, тадбиркорлик субъектларини ишончли ҳимоя қилишни янада кучайтиришга, уларни жадал ривожлантириш йўлидаги тўсиқларни бартараф этишга қаратилган ўзгартиш ва қўшимчалар киритиш тўғрисида»ги Ўзбекистон Республикаси Қонунининг мазмун-моҳиятига бағишланган мажлис бўлиб ўтди.

Мажлисни Қорақалпоғистон Респубикаси Вазирлар Кенгаши раиси Б.Янгибаев очди ва раислик этиб борди.

Жумладан, тадбиркорлик фаолиятига ноқонуний аралашиш ва тўсқинлик қилиш, хусусий мулкдорлар ҳуқуқларини бузганлик учун давлат, ҳуқуқни муҳофаза қилиш ва назорат қилувчи органларнинг мансабдор шахслари жавобгарлигини жиноий жавобгарликка тортиш даражасигача ошириш, хусусий мулкни ҳимоя қилиш кафолатини кучайтириш, тадбиркорлик фаолиятини тартибга соладиган маъмурий ва жиноят қонунчилигини либераллаштириш жараёнини давом эттириш, барча турдаги рўйхатдан ўтказиш, рухсат бериш ва лицензиялаш, шунингдек, ташқи иқтисодий фаолиятни амалга ошириш билан боғлиқ тартиб-таомилларни янада соддалаштиришганлиги қайд этилди.

Шунингдек, мажлис давомида иштирокчилар қонунда назарда тутилган масалалар юзасидан амалга оширилаётган ишлар хусусида ва ўтган йиллар давомида ушбу соҳада йўл қўйилган хато-камчиликлар танқидий нуқтаи-назардан баҳоланиб зарур бўлган масалалар юзасидан фикир алмашилди.