Янгиликлар

ҲУҚУҚИЙ ҲУЖЖАТ МАҚОМИ

Тошкент Давлат Педиатрия институти Нукус филиалида 9 апрель –Қорақалпоғистон Республикаси Конституцияси қабул қилинганлигига 22 йил тўлиши муносабати билан тадбир ташкил этилди.

Тадбирда Қорақалпоғистон Республикаси Жўқорғи Кенгеси, Қорақалпоғистон Республикаси Адлия вазирлиги ходимлари, институт профессор-ўқитувчилари, талабалар, ОАВ ходимлари иштирок этишди.

Қайд этилганидек, 1993 йил 9 апрелда Қорақалпоғистон Республикаси XII-чақириқ Олий Кенгашининг 12-сессиясида Ўзбекистон Республикаси таркибидаги суверен Қорақалпоғистон Республикасининг Конституцияси қабул қилинганлиги, Қорақалпоғистоннинг Ўзбекистон Республикаси таркибидаги суверен демократик давлат сифатидаги мақоми Конституцияда тантанавор мустаҳкамлаб қўйилганлиги, Республика Олий Кенгаши томонидан, 9 апрель умумхалқ байрами – Қорақалпоғистон Республикасининг Конституцияси куни деб эълон қилинганлиги таъкидланди.

Шунингдек, Қорақалпоғистоннинг Конституцияси республикада яшовчи барча халқларнинг демократик ҳуқуқий давлатни қуришдек эзгу ниятидан ва озодликка эришиш йўлидаги орзу-армонидан яралган ҳужжат эканлиги таъкидланди.

Конституция халқнинг эрку-иродаси билан яратилганлиги, суверен Қорақалпоғистон Республикаси Конституцияси ўз халқининг миллий манфаатларидан ва тараққиёт сари интилишларидан келиб чиқиб, жаҳон мамлакатлари конституциявий тажрибаларига ва авваламбор қорақалпоқ халқининг кўп йиллик давлатчилиги ривожи тарихига, ўтмишига таянган ҳолда ишлаб чиқилганлиги таъкидланди.

Тадбир давомида иштирокчилари ўзларини қизиқтирган саволларига тўлиқ жавоблар олишди.