05.07.2024

Qaraqalpaqstan Respublikası ádillik ministri E.Tursunovtıń ministrliktiń 2024-jıl I-II sheregi dawamında ámelge asırılǵan jumısları boyınsha BAYANATÍ

Ministrliktiń tiykarǵı wazıypalarınan biri birden-bir mámleketlik huqıqıy siyasattı júrgiziw, norma dóretiwshiligi jumısların muwapıqlastırıw, mámleketlik hám xojalıq basqarıw, jergilikli mámleketlik hákimiyatı uyımları jumıslarında huqıqtı qollaw ámeliyatın izshil hám bir túrde támiyinlew boyınsha ilajlardı ámelge asırıw bolıp tabıladı.
Bul baǵdarda ministrlik tárepinen 2024-jıldıń 6 ayı dawamında dawamında bir qatar jumıslar ámelge asırıldı.
Atap aytqanda, fizikalıq hám yuridikalıq shaxslardan ministrlik hám rayon (qala) ádillik bólimlerine jámi 3 281 múrájatlar kelip tústi, usınnan 1 874 múrájat (57 payızı) qanaatlandırılıp, múrájatshılar huqıqları tiklendi.
Sudlarǵa jámi summası 5 mlrd 416 mln swmnan artıq 807 dana dawa arzaları kiritilip, puqaralardıń huqıqları sud tárepinen tikleniwine erisildi.
Ministrlikke kelip túsken múrájatlar analizlengende múrájatlardıń kópshiligin miynet, úy-jay, sociallıq qorǵaw, mámleketlik xızmetler kórsetiw hám puqaralıq halatı aktlerin jazıw tarawları menen baylanıslı ekenligi kórsetpekte.
Bunnan tısqarı, “ijro.gov.uz” sisteması arqalı Qaraqalpaqstan Respublikası Ministrler Keńesi hám aymaqlardaǵı mámleketlik organlar hám shólkemlerine kelip túsken tapsırmalardıń orınlanıwı hár ayda tallawdan ótkerilip, nátiyjesi boyınsha tiyisli sharalar kóriw ushın Qaraqalpaqstan Respublikası Joqarǵı Keńesine kiritilmekte.
Anıqlanǵan nızambuzılıwı jaǵdayları hám olardı saplastırıw tarawında ministrlik tárepinen mámleketlik uyımlar hám shólkemlerde nızamshılıqtıń durıs tártipke salınıwı ústinen turaqlı ráwishte monitoring alıp barılmaqta.
Usınıń nátiyjesinde, 2024-jıldıń 6 ayı dawamında mámleketlik uyımlar hám shólkemler tárepinen 40 531 jaǵdayda nızambuzılıwına jol qoyılǵanlıǵı anıqlandı.
anıqlanǵan nızambuzılıwı jaǵdayların saplastırıw boyınsha 555 usınıs, 39 eskertiwler kiritildi;
528 mámleketlik uyım hám shólkemlerde úyreniwler ótkerildi;
mámleketlik uyımlar hám shólkemlerdiń lawazımlı hám juwapker xızmetkerlerinen 468 shaxs hákimshilik juwapkershilikke tartıldı;
kiritilgen usınısnamalarǵa tiykar puqaralarımızdıń 20 mlrd 810 mln swm qarjıları qaytarıldı hám tólep berildi.
Mámleketlik emes kommerciyalıq emes shólkemleri jumısların muwapıqlastırıw tarawında Respublikada jámi 656 mámleketlik emes kommerciyalıq emes shólkemleri, sonday-aq, 67 diniy shólkemler, usınnan 65 islamiy, 2 naislamiy (tolıq Evangeliya xam pravoslav xristian shirkeuleri) hámde 15 tóreshilik sudları óz iskerligin kórsetip kelmekte.
Mámleketlik emes kommerciyalıq emes hám diniy shólkemler menen baylanıslı barlıq mámleketlik xızmetlerin kórsetiw e-ngo.uz saytı arqalı tolıq ámelge asırılmaqta.
Ministrlik xızmetkerleri tárepinen 14 mıńǵa jaqın úgit-násiyat ilajları ótkerildi.
Usınnan, 1471 i ǵalaba xabar qurallarında ámelge asırıldı hám de 7865 den aslam awızeki huqıqıy úgit-násiyat ilajları ótkerildi.
Huqıqıy úgit-násiyat hám aǵartıwshılıq tarawında ministrlik tárepinen jańadan qabıl etilgen 440 normativ-huqıqıy hújjetlerdi tastıyıqlanǵan dizim boyınsha Respublika aymaǵındagı 121 mámleketlik uyım hám shólkemlerge jetkerip berildi.
Yuridikalıq xızmetler tarawında Respublikada rayon (qala) ádillik bólimleri quramında 17 Yuridikalıq xızmet kórsetiw orayları shólkemlestirildi.
Búgingi kúnde oraylar tárepinen 20 mámleketlik uyımlar hám shólkemlerine, 726 mámleketlik ulıwma bilim beriw mekteplerine, 436 mámleketlik mektepke shekemgi bilimlendiriw shólkemlerine hámde 97 kóp tarmaqlı oraylasqan hám shańaraqlıq poliklinikalarına yuridikalıq xızmetler kórsetilmekte.
Huqıqıy xızmet kórsetiw tarawında házirde Qaraqalpaqstan Respublikasında 62 jeke ámeliyat penen shuǵıllanıwshı notariuslar óz jumısların alıp barmaqta.
Bunnan tısqarı, búgingi kúnde Respublika aymaǵında jámi 170 advokatlıq dúzilmelerinde 204 advokatlar xızmet kórsetpekte.
Ministrlik tárepinen advokatura tarawı baslı baǵdarlardan biri etip belgilenip, alıp barılǵan úgit-násiyat ilajlarınıń nátiyjesinde 2024-jıl basınan jámi 10 advokatlar óz jumısların basladı.
Huqıqıy ekspertiza tarawında 2024 jıldıń 6 ayı dawamında huquqıy ekspertizadan ótkeriw ushın jergilikli mámleketlik hákimiyatı uyımları tárepinen jámi 123 normativ tústegi qararlar joybarları kelip túsken, usınnan 74 normativ tústegi qarar joybarlarına unamlı juwmaqlar, 2 qarar joybarlarına unamsız juwmaqlar berilgen, 49 hújjet joybarları nızamshılıq talaplarına muwapıq bolmaǵınlıǵı sebepli qayta kórip shıǵıw ushın qaytarıldı.
Bunnan tısqarı, “E-qarar” elektron sistemasında hákimlikler tárepinen nızamshılıqqa qayshı bolmaǵan jámi 29 hújjetler (9 hákim qararı, 15 hákim biyligi hám 5 Keńes qararı) qabıl etilgen.
Ministrlik hám rayon (qala) ádillik bólimleri tárepinen tiyisli hákimliklerge 15 usınıslar kiritildi, 7 hákim qararları hám 4 Keńes qararları biykar etilip, 15 hákim biylikleri hám 2 hákim qararları ámeldegi nızam hújjetlerine muwapıqlastırıldı.
Mámleketlik xızmetlerin kórsetiwshi uyımlar tárepinen esabat dawirinde 14 693 nızambuzıwshılıq jaǵdaylarına jol qoyılǵan.
Tarawdaǵı kemshiliklerdi saplastırıw maqsetinde mámleketlik xızmetlerin kórsetiwshi 4 wákillikli uyımda úyreniwler ótkerildi, anıqlanǵan nızambuzıwshılıqlardı saplastırıw hám aldın alıw maqsetinde 18 usınıs kiritildi, 199 lawazımlı shaxslar hám juwapker xızmetkerleri hákimshilik juwapkershilikke tartıldı.
Mámleketlik xızmetleri orayları hám PHAJ organları iskerligin muwapıqlastırıw tarawında Respublikamızda
17 mámleketlik xızmetleri orayları hám de olardıń alıs aymaqlarında jaylasqan 8 filialları tárepinen xalıqımızǵa mámleketlik xızmetler kórsetilmekte.
Mámleketlik xızmetleri orayları 15 rayonda tazadan qurılǵan zamanagóy hám barlıq qolay sharayatqa iye imarat penen támiyinlendi, Nókis qalası, Ellikqala rayonı MXO imáratlarında qurılıs isleri dawam etpekte.
Mámleketlik xızmetler orayları tárepinen 2024-jıldıń 6 ayı dawamında jámi 451 mıńan aslam mámleketlik xızmetler kórsetildi.
25 mıńnan aslam xızmetler kóshpeli tártipte rayon (qala) oraylarınan alıs aymaqlarǵa barǵan halda kórsetildi.
15 180 isbilermenlik subektleri mámleketlik dizimnen ótkerildi.
PHAJ uyımarınıń jumısların muwapıqlastırıw tarawında 2024-jıl 6 ayı dawamında 31 mıń 532 akt jazıwları Usınnan, tuwılǵanlıqtı dizimge alıw 18 605, nekeni dizimge alıw 6 388, nekeden ajırasqanlıq 925, ólimdi dizimge alıw jaǵdayı 5 614 ni quraydı.
Conıń menen qatarda, PHAJ bólimleri tárepinen 2 mlrd 900 mln sumnan artıq mámleketlik bajıları hám gerb jıyımı pulları óndirilgen.
Bunnan tısqarı, rayon (qala) PHAJ bólimleri tárepinen arxivlerde qaǵaz kórinisinde saqlanıp atırǵan 3 mln. 700 mıńnan artıq akt jazıwları “PHAJdıń birden-bir elektron arxivi” málimleme sistemasına kiritilip, sanlastırılıwı támiyinlendi.