Менинг номимда кичик фирмам бор, фирмам номидан энг кам иш ҳақининг олти баравари миқдорида танишим билан қарз шартномасини тузмоқчиман, ёзма равишда расмийлаштиришим шартми?

Савол: Менинг номимда кичик фирмам бор, фирмам номидан энг кам иш ҳақининг олти баравари миқдорида танишим билан қарз шартномасини тузмоқчиман, ёзма равишда расмийлаштиришим шартми?

Е.Баймуратов, Нукус шаҳри

Жавоб: Фуқаролар ўртасида қарз шартномаси, агар бу қарзнинг суммаси энг кам иш ҳақининг ўн бараваридан ортиқ бўлса, оддий ёзма шаклда тузилиши шарт, шартномадаги тарафлардан бири юридик шахс бўлганида эса суммасидан қатъи назар ёзма шаклда тузилиши шарт.

Савол: Қўшним мендан икки ойдан сўнг қайтараман деб қарз олганди, унинг қарз олганлиги ҳақидаги тилхати ҳам бор, унинг тилхати қарз шартномаси ёзма шаклда тузилганлигига асос бўладими?

Б.Ембергенов, Амударё тумани

Жавоб: Агар қарз олувчининг тилхати ёки унга қарз берувчи томонидан муайян сумма ёки муайян миқдордаги ашёлар топширилганлигини тасдиқлайдиган бошқа ҳужжат мавжуд бўлса, қарз шартномаси ёзма шаклда тузилган ҳисобланади.

Савол: Мен бир танишимдан қарз шартномаси тузиб, қарз олган эдим, лекин шартномада қарзни қайтариш муддати назарда тутилмаган. Танишим менга ўн кун

муддат ичида қайтарасан деб талаб қўймоқда, унинг талаби тўғрими?

К.Байназаров, Чимбой тумани

Жавоб: Қарз олувчи олинган қарз суммасини қарз шартномасида назарда тутилган муддатда ва тартибда қарз берувчига қайтариша шарт.

Агар қарз суммасини қайтариш муддати шартномада белгиланган бўлмаса, қарз олувчи уни қарз берувчи қарзни қайтариш ҳақида талаб қўйган кундан бошлаб ўттиз кун мобайнида қайтариши шарт.

Саволларга Беруний тумани 2-сонДНИ нотариуси Қахраман Бабажанов жавоб берди.