Савол: Маҳаллий давлат ҳокимияти органининг норматив-ҳуқуқий тусдаги қарорига тушунча берсангиз?
Жавоб: Маҳаллий давлат ҳокимияти органининг норматив-ҳуқуқий тусдаги қарори - халқ депутатлари вилоят, туман, шаҳар Кенгашлари ва вилоят туман, шаҳар ҳокимлари томонидан қабул қилинган, умуммажбурий давлат кўрсатмалари сифатида ҳуқуқий нормаларни белгилашга, ўзгартиришга ёки бекор қилишга қаратилган расмий ҳужжатлардир.
Савол: Ҳуқуқий экспертиза нима?
Жавоб: Лойиҳанинг Ўзбекистон Республикасининг Конституцияси ва қонунларига, юқори юридик кучга эга бўлган бошқа норматив-ҳуқуқий ҳужжатларга, мамлакатда олиб борилаётган ислоҳотларнинг мақсад ва вазифаларига, қонунчилик техникаси қоидаларига мувофиқлиги, шунингдек ҳавола қилувчи нормалар қўлланилишининг асослилиги ҳамда мақсадга мувофиқлигини текширади.
Савол: Ҳуқуқий экспертизадан ўтказилмайдиган ҳужжатларга қандай ҳужжатлар киради?
Жавоб. Қуйидагилар ҳуқукий экспертизадан ўтказилмайди:
а) якка тартибдаги қуйидаги ҳужжатлар:
шахсий тусдаги лавозимга тайинлаш, бошқа лавозимга ўтказиш ёки лавозимидан озод қилиш, комиссия ва бошқа коллегиал органлар таркибини тасдиқлаш, бирор шахсга ер ажратиш ва бошқа шу кабилар);
тезкор фармойиш тусидаги (бир марталик топшириқлар);
б) муқаддам белгиланган тартибни ижро этишни ташкил этишга йўналтирилган ҳамда янги ҳуқуқий нормаларни ўз ичига олмаган, шу жумладан, бутун мазмуни бошқа органлар ва мансабдор шахсларнинг ҳужжатлари тўғрисида хабардор қилишдан иборат бўлган ҳужжатлар.
в) сессия, йиғилиш, конференцияларни чақириш тўғрисидаги ҳужжатлар;
г) лойиҳаларни кўриб чиқиш ва тасдиқлаш учун киритиш тўғрисидаги ҳужжатлар.
д) тавсия хусусиятига эга бўлган ҳужжатлар
е) норматив-ҳуқуқий ҳужжатларга расмий шарҳ бериш тўғрисидаги ҳужжатлар;
ж) умуммажбурий хусусиятига эга бўлмаган бошқа ҳужжатлар.
Саволларга Қорақалпоғистон Республикаси Адлия вазирлиги катта маслаҳатчиси
Г.Абдирова жавоб берди.