А.Ниёзметова, Тўрткўл тумани
Жавоб:
Вояга етмаган болалари бўлмаган эр-хотин никоҳдан ажралишга ўзаро рози бўлсалар, улар никоҳдан фуқаролик ҳолати далолатномаларини кайд этиш органларида ажратилади. Эр-хотин ўртасида меҳнатга лаёқатсиз мухтож эр ёки хотинга моддий таъминот бериш тўғрисида ёки уларнинг биргаликдаги умумий мулки бўлган мол-мулкни бўлиш тўғрисида низо бўлган тақдирда эр-хотин ёки улардан бири никоҳдан ажратиш тўғрисидаги ариза билан судга мурожаат этиши мумкин.
Савол:
Эр-хотиндан бирининг аризаси буйича фуқаролик ҳолати далолатномаларини қайд этиш органларида никоҳдан ажратиш тартиби нималардан иборат?
Л.Азимова, Қораўзак тумани
Жавоб:
Агар эр-хотин бири; суд томонидан бедарак йуқолган деб топилган бўлса; суд томонидан руҳий касаллиги ёки ақли заифлиги сабабли муомалага лаёқатсиз деб топилган булса;
содир қилган жинояти учун уч йилдан кам бўлмаган муддатга озодликдан маҳрум килинган бўлса, ўртада вояга етмаган болалари борлигидан қатъи назар, эр-хотиндан бирининг аризасига кўра улар фуқаролик ҳолати далолатномаларини қайд этиш органларида никоҳдан ажратилади.
Агар болалар ҳақида, эр-хотиннинг биргаликдаги умумий мол-мулкини бўлиш ҳақида ёки ёрдамга муҳтож, меҳнатга саёқатсиз эр(хотин)га таъминот бериш учун маблағ тўлаш ҳақида низо мавжуд бўлса, улар никоҳдан суд тартибида ажратилади.
Саволларга Қораўзак тумани ФҲДЁ мудираси вазифасини бажарувчиси Н.Ережепова жавоб берди.