Н.Худойберганова, ўқитувчи
Жавоб:
Нотариус уй, хонадон, уйнинг ёки хонадоннинг бир қисмини умрбод таъминлаш шарти билан бошқа шахсга бериш шартномасини тасдиқлашда, уй, хонадон, уйнинг ёки хонадоннинг бир қисмини бошқа шахсга ўтказиш бўйича битимларни тасдиқлашнинг умумий қоидаларига риоя қилади. Ушбу шартномани тасдиқлаш пайтида уй, хонадон, уйнинг ёки хонадоннинг бир қисмини бошқа шахсга берувчи шахснинг меҳнатга лаёқатсизлиги (ёши ёки соғлиғи бўйича) текширилиб, бу ҳақда шартнома матнида кўрсатилиши лозим ҳамда умрбод таъминлаш шарти билан уй-жойни бошқа шахсга бериш шартномасида кўрсатилган мулкнинг бошқа шахсга ўтказилмаганлиги, сотилмаганлиги, ижарага берилмаганлиги, гаровга қуйилмаганлиги, низода йуқлиги ва бошқа шахсга ўтказишга тақиқ қуйилмаганлиги текширилади. Ушбу шартномада уй, хонадон, уйнинг ёки хонадоннинг бир қисмини бошқа шахсга берувчига моддий таъминотнинг қандай турлари берилиши, уларни ҳар ойдаги пуллик баҳоси ва уй, хонадан, уйнинг ёки хонадоннинг бир қисмининг қиймати ҳам кўрсатилган бўлиши керак.
Бошқа шахсга ўтказилаётган уй, хонадан, уйнинг ёки хонадоннинг бир қисми ва моддий таъминотнинг қиймати тарафлар келишувига биноан белгиланади.
Умрбод таъминлаш шарти билан уй, хонадон, уйнинг ёки хонадоннинг бир қисмини бошқа шахсга бериш шартномаси Ўзбекистон Республикаси Фуқаролик кодексининг 530 ва 534-моддалари талаблари асосида амалга оширилиши ва уларнинг мазмуни тушинтирилганлиги шартномада кўрсатилиб ўтилиши лозим.
Савол:
Умрбод таъминлаш шарти билан уй, хонадон, уйнинг ёки хонадоннинг бир қисмини олувчининг мажбуриятлари нималардан иборат?
Т.Зоиров, пенсионер
Жавоб:
Умрбод таъминлаш шарти билан уй, хонадон, уйнинг ёки хонадоннинг бир қисмини олувчи, умрбод таъминлаш шарти билан уй, хонадон, уйнинг ёки хонадоннинг бир қисмини берувчини умрбод озиқ-овқат билан таъминлаш, овқатлантириш, кийим-кечак билан таъминлаш, парваришлаш ва зарур булган ёрдам кўрсатиш, уй-жойни доимий равишда таъмирлаш ишларини олиб бориш, ҳамма солиқлар ва коммунал тўловларни тўлаш шарти билан уй-жойни бутунлигича фойдаланиш мажбуриятини олади.
Савол:
Умрбод таъминлаш шарти билан уй, хонадон, уйнинг ёки хонадоннинг бир қисмини бошқа шахсга бериш шартномасини бекор қилиш тартибини тушунтириб беринг?
И.Юсупова, тадбиркор
Жавоб:
Агар уй, хонадан, уйнинг ёки хонадоннинг бир қисмини олувчи умрбод таъминлаш шарти билан уй, хонадон, уйнинг ёки хонадоннинг бир қисмини бошқа шахсга бериш шартномаси бўйича ўз мажбуриятларини бажармаса ёки тегишли даражада бажармаса шартномани бекор қилишни талаб қилиши мумкин.
Агар олувчининг моддий аҳволи ўзига боғлиқ бўлмаган сабабларга кўра бошқа шахсга берувчига шартлашилган таъминотни бера олмайдиган даражада ўзгарса ёки бошқа шахсга берувчи меҳнат қобилиятини тикласа, умрбод таъминлаш шарти билан уй, хонадон, уйнинг ёки хонадоннинг бир қисмини бошқа шахсга бериш шартномаси олувчининг талабига кўра бекор қилиниши мумкин.
Умрбод таъминлаш шарти билан уй, хонадон, уйнинг ёки хонадоннинг бир қисмини бошқа шахсга бериш шартномаси бошқа шахсга берувчининг талабига кўра бекор қилинган тақдирда олувчи шартнома амалда бўлган вақтда бошқа шахсга берувчини таъминлаш ва уй, хонадон, уйнинг ёки хонадоннинг бир қисмини сақлаб туришга қилган харажатларини қоплашни талаб қилишга ҳақли.
Саволларга Тахтакўпир туман давлат
нотариал идорасининг нотариуси
Д.Шаханов жавоб берди.