Bog'lanish

Telefon
(+998 55) 101-10-08

Elektron manzil
qoraqalpoq@adliya.uz

Habar yuborish
Ishonch telefoni 1008

Янгиликлар

20

Nafaqani hisoblashda qaysi ish haqi inobatga olinadi?


Nafaqani hisoblashda qaysi ish haqi inobatga olinadi?

Vaqtincha mehnatga layoqatsizlik nafaqasi sug‘urtalangan shaxsning o‘rtacha oylik ish haqi asosida hisoblanadi.
O‘rtacha oylik ish haqi — nafaqa tayinlanadigan oydan oldingi hisob-kitob davridagi mehnatga haq to‘lash tarzidagi daromadlar asosida aniqlanadigan miqdor.
O‘rtacha oylik ish haqi:
-nafaqa tayinlanadigan oydan oldingi sug‘urta stajiga kiruvchi 12 oylik ish haqini 12 ga bo‘lish orqali;
-sug‘urta staji 12 oydan kam bo‘lsa, mavjud oylardagi ish haqini shu oylar soniga bo‘lish orqali aniqlanadi.
Majburiy sug‘urtalangan shaxsning soliq solinadigan va sug‘urta ajratmalari hisoblanadigan barcha mehnat daromadlari inobatga olinadi.
Hisobga olinadigan ish haqining eng yuqori chegarasi
Nafaqani hisoblashda sug‘urtalangan shaxsning o‘rtacha oylik ish haqining mehnatga haq to‘lashning eng kam miqdorining 10 baravaridan oshmagan qismi hisobga olinadi.
Jamoa kelishuvi, jamoa shartnomasi yoki tashkilotning ichki hujjatlarida xodimga qo‘shimcha to‘lovlar nazarda tutilishi mumkin.
Sug‘urta stajiga qarab qanday chegara qo‘llaniladi?
Nafaqa miqdori o‘rtacha oylik ish haqining:
-6 oydan 96 oygacha sug‘urta stajida — 60 foizi;
-97 oy va undan ortiq sug‘urta stajida — 80 foizi miqdorida hisoblanadi.
Ayrim ijtimoiy toifalar uchun mazkur koeffitsiyent 20 foiz bandga oshiriladi, lekin umumiy hisoblashda belgilangan chegaralar saqlanadi.
Uzoq davom etgan kasallikda miqdor o‘zgaradimi?
Kalendar yil davomida rasmiylashtirilgan mehnatga layoqatsizlik varaqalari bo‘yicha umumiy davr 77 kalendar kundan oshsa, 77 kundan keyingi davr uchun staj koeffitsiyenti 10 foiz bandga kamaytiriladi.
Ushbu kamaytirish homiladorlik va tug‘ish bilan bog‘liq davrlarga tatbiq etilmaydi.
Nafaqa qancha muddat to‘lanadi?
Vaqtincha mehnatga layoqatsizlik nafaqasi mehnatga layoqatsizlik varaqasida ko‘rsatilgan davr uchun, biroq bir kalendar yilda, qoida tariqasida, 182 kalendar kundan oshmagan muddatga to‘lanadi.
Kasallangan bolani parvarishlash uchun varaqa ochilganda to‘lov davri:
-14 yoshgacha bo‘lgan bola uchun — qo‘shimcha 20 kalendar kunga;
-nogironligi bo‘lgan 16 yoshgacha bola uchun — qo‘shimcha 40 kalendar kunga uzaytiriladi.
Qaysi davrlarda nafaqa to‘lanmaydi?
Vaqtincha mehnatga layoqatsizlik quyidagi davrlarga to‘g‘ri kelsa, ushbu davr uchun nafaqa to‘lanmaydi:
-ish haqi saqlanmaydigan ta’til;
ish haqi qisman saqlanadigan ta’til;
bolani parvarishlash ta’tili;
harbiy o‘quv yoki tekshiruv yig‘ini;
ishlab chiqarishdan ajralmagan holdagi o‘quv ta’tili.
Agar mehnatga layoqatsizlik ushbu davrdan keyin ham davom etsa, nafaqa xodim ishga chiqishi kerak bo‘lgan kundan boshlab to‘lanadi.

Amudaryo tumani adliya bo‘limi DXM direktori S.Sultanov