Янгиликлар
07
Nızamshılıqtaǵı ózgerisler
2026-jıl 7-aprel kúni Ózbekstan Respublikası Qurallı Kúshleri qatarında múddetli áskeriy xızmetti ótewdiń abırayı hám tartımlılıǵın arttırıw boyınsha gezektegi ilajlar haqqında"ǵı 134-sanlı Prezident qararı qabıl etildi.Qararǵa bola 2027-jıl 1-aprelden baslap múddetli áskeriy xızmetti ótegen jaslarǵa mámleketlik uyımlar hám shólkemlerge jumısqa kiriwde test sınaqları nátiyjelerine bola ózleri toplaǵan balldıń 10 procenti muǵdarında qosımsha ball túrindegi jeńillik beriledi.
2026-jıl 1-maydan baslap áskerlerdi kásipke oqıtıwǵa tartılǵan pedagoglarǵa sabaqlardı ótkeni ushın saatbay tiykarında miynet haqı tólenedi hám de múddetli áskeriy xızmetti ótep bolǵan hámde jeke sektorda jumıs alıp barmaqshı bolǵan jaslardı, sonday-aq, áskerlerdi áskeriy bólimlerde kásipke oqıtıw qárejetlerin Bántlikke kómeklesiw mámleketlik qorı esabınan qaplap beriw ámeliyatı jolǵa qoyıladı.
2026-jıl 1-iyulden múddetli áskeriy xızmetti ótep bolǵan hám joqarı bilimlendiriw shólkemlerinde oqıw tilegin bildirgen jaslarǵa shet tili hám pán sertifikatı qárejetlerin "Jaslar dápteri"ne kirgizilgen jaslardı qollap-quwatlaw qorları qarjıları esabınan qaplap beriw ámeliyatı jolǵa qoyıladı.
Usi Qararǵa bola 2026-jıl 1-sentyabrden baslap múddetli áskeriy xızmetti ótew dáwirinde joqarı bilimlendiriw shólkemlerine tólemli-kontrakt tiykarında oqıwǵa qabıl etilgen áskerlerge nızamshılıqta belgilengen tártipte oqıwdıń birinshi jılı ushın Tálim kreditin qarjılandırıw qorı qarjıları esabınan tálim krediti ajıratılıwı belgilendi.
Nókis qalası ádillik bólimi
Yuridikaliq xizmet kórsetiw orayi bas yuriskonsulti Z.Bayniyazova