Янгиликлар
20
Bilesiz be
Jeke isbilermenler ushın jańa imkaniyat: firma atınan paydalanıw huqıqı 2026-jıldan baslap Ózbekstanda jeke tártiptegi isbilermenlerdiń jumısın jáne de qolaylastırıwǵa qaratılǵan áhmietli ózgerisler ámelge asırılmaqta. Ózbekstan Respublikası Prezidentiniń 2025-jıl 14-noyabrdegi PP-214-sanlı Pármanına muwapıq, jeke tártiptegi isbilermenlerge firma atınan paydalanıw huqıqı berildi.
Bul jańalıq isbilermenlerge óz brendin qáliplestiriw, qarıydarlar arasında tanılıwı hám isenimin arttırıw imkaniyatın jaratadı. Endi jeke tártiptegi isbilermenler de yuridikalıq shaxslar sıyaqlı óz jumısın belgili bir firma ataması astında alıp barıwı múmkin.
Bul ózgeris biznes júrgiziw processlerin ápiwayılastırıw, jeke menshik isbilermenlikti qollap-quwatlaw hám mámlekette isbilermenlik ortalıǵın jáne de rawajlandırıwǵa xızmet etedi.
Sonday-aq, Ministrler Kabinetiniń 2026-jıl 21-maydaǵı 270-sanlı qararı menen sırt el puqaralarına arnawlı salıq rejimin beriw tártibi tastıyıqlandıBul tártip mámlekettiń investiciyalıq tartımlılıǵın arttırıw hám xalıqaralıq biznes wákillerin tartıwǵa qaratılǵan.
Jańa tártip hám imkaniyatlar isbilermenler ushın jáne de qolaylı sharayatlar jaratıp, ekonomikanıń turaqlı rawajlanıwına xızmet etedi.
Nókis qalası ádillik bólimi
Mámleketlik xızmetler orayınıń aǵa qánigesi G.Utepbergenova